Sereńko 119:4 - সান্তালী বাইবেল

⁴ Am do ạn ạrikom ṭhik dohoakada jemon joton salakʼ onale manao.

Sereńko 119:4 Referans Kwoze

1 Johan 5:3

Isorakʼ hukumko dohoyge hoyokʼkana Isor dulạṛ do. Uniyakʼ hukum do hamal bojha leka do baṅkana,

Johan 14:21

Okoe ińakʼ hukumkoe baḍaekan ar onakoe manaoetʼkan unige iń doe dulạṛedeńa.” Ar okoe ińe dulạṛedeń ińren Baba hõ uniye dulạṛea. Iń hõ uniń dulạṛea ar uni ṭheniń sodorokʼa.

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Jirimiạ 7:23

menkhan noań hukumatʼko tahẽkana, ‘ińakʼ katha leka senokʼpe, iń do aperen Isoriń hoyokʼa ar ape do ińren hoṛpe hoyokʼtińạ. Ar oka horte calakʼ reakʼ iń hukumakatʼpe ona horte calakʼpe jemon bhạlại hoyokʼtape.’

Johan 14:15

“Ińpe dulạṛediń khan ińakʼ sanam hukumkope dohoya.

Dosar Biboron 12:32

“Iń okakoń hukumatʼpe onako sanamakʼpe manaoa; ar noa sãote cetʼ hõ alope juṭucʼakʼa, ar niạ khon jãhãnakʼ hõ alope kaṭaoa.

Josuạ 1:7

Daṛean hoyokʼme ar dil dohoyme. Ińren guti Mose okako ạn-ạrikoe em oṭoakatʼ onako moneyakʼme ar dohoyme ona khon thoṛa hõ alom hante natekʼa. Ar onate jãhãregem calakʼ onḍege sarhekʼtama.

Dosar Biboron 30:16

Teheń ape ṭhen ińakʼ hukum do noage, aperen Probhu Isorpe dulạṛea, uniyakʼ hortepe calakʼa ar uniyakʼ hukum ar niạmkope manaotaea. Enḍekhan ape do jiwetʼpe tahena ar lekhatepe saṅge idikʼa, ar okaṭakʼ disạm dokhol lạgitʼpe senokʼkan onḍe aperen Probhu Isor do apeye bhorapea.

Dosar Biboron 11:22

“Ape do aperen Probhu Isor dulạṛepe, ar uniyakʼ horte calakʼpe ar unire sapʼ kajak akae tahente okako hukumiń emapekan ona joton salakʼ manaope.

Dosar Biboron 6:17

Aperen Probhu Isor oka hukumko ar sontor tahen reakʼ katha ar niạmkoe emakan ona do khạṭige manao hoyokʼtapea.

Dosar Biboron 4:1

“E Israelko, iń okaṭakʼ niạm ar ạn-ạriko cetʼapeń menetʼkan ona ńitokʼ ańjompe. Ape do noako manao idiy hoyokʼtapea jemon jiwetʼpe tahen ar aperen hapṛamkoren Probhu Isor okaṭakʼ disạme emape lạgidokʼkan onḍe senkatepe ạidạri joṅ.

Dosar Biboron 11:13

“Ape do aperen Probhu Isorpe dulạṛea ar goṭa mon ar ontorte uni sewawae reakʼ okaṭakʼ iń hukum akatʼpe ona pạtiạr salakʼpe manaoa.

Dosar Biboron 4:9

“Jiwetʼ jonom sontor akae tahenpe ar ape cetanre nojor dohoype jemon mẽtʼte okape ńelakatʼ ona alope hiṛiń ar apeakʼ ontor khon alope meṭao ocoy. Noako ape do aperen hoponko ar goṛom gidrạkope cetʼakoa.

Exodus 7:6

Probhu Isor do Mose ar Aron cetʼlekae hukumatʼkin tahẽkan onkage unkin dokin kạmikeda.

Dosar Biboron 6:3

E Israelko, ape do ińakʼ katha ańjompe ar sontor akae tahente noako manaope, jemon toa ar dumur rasa ạtukʼkan disạmre senkate aperen hapṛamkoren Probhu Isorakʼ gokʼakʼ lekate apeakʼ bhạlại hoyokʼtape ar lekharepe saṅge idikʼ.

Esra 7:21

Iń Artaksasto raj do ńitokʼ phurạt gaḍa pạchim aṛe reakʼ sanam khajańci oṛakʼren rurukhiyạko niạ hukumiń emako kana je, sermaren Isorakʼ ạn-ạriren naeke Esra ape ṭhen okae khoj ona jotowakʼ ṭhik lekape emaea.

Jeheskel 20:19

Iń do arhõń metatʼkoa, iń kangeạń onkoren Probhu Isor do, onate jemon ińakʼ niạmko pańjae ar ińakʼ ạn-ạri lekako taṛam.