Sereńko 119:26 - সান্তালী বাইবেল

²⁶ Ińakʼ jion reakʼ sanamakʼ doń baḍae ocoakatʼmea, ar am do ińem roṛ ruạṛ akadińạ; amakʼ ạnre sikhạuna emạńme;

Sereńko 119:26 Referans Kwoze

Sereńko 86:11

E Probhu Isor, amakʼ hor reaṅ cetʼạńme baṛe, jemon amakʼ sạri horteń taṛam daṛeakʼ; ar am sewawam lạgitʼ ińakʼ bar monan ontor baṛe mitʼ kạtińme.

Sereńko 25:4

E Probhu Isor, amakʼ suṛucʼ horko baḍae ocoyińme, ar amakʼ horte calakʼ baṛe cetʼạńme.

Sereńko 27:11

E Probhu Isor, amakʼ hor udukʼạńme baṛe; ar ińren bạiriko iạte amakʼ suṛucʼ horte ạyurińme.

Sereńko 32:5

Unre ińakʼ kại do am ṭheniń aṅgockeda, ińakʼ bedhorom do ar bạń oko doholeda. Ińiń menkeda, “Ińakʼ ghạṭko reakʼ katha do ińren Probhu Isor ṭheniń aṅgoca.” Ar am do ińakʼ ghạṭkom ikạkatʼa. (Sela)

Kạhtukko 28:13

Okoe hoṛ acʼakʼ kạiye danaṅkakʼ uni do bae jo baha daṛeakʼa, menkhan okoe onae aṅgoc are bạgiyakʼ uni do dayae ńama.

Sereńko 119:12

E Probhu Isor, am dom bhạgangea. Amakʼ ạnko cetʼạńme baṛe.

Sereńko 38:18

Ińakʼ dosiń aṅgocetʼ tińạ; iń kại iạte mon do bhabnate perecʼ akantińạ.

1 Rapajko 8:36

enḍekhan am do serma khon ona ańjomtakome ar amren gutiko, metakʼme amren hoṛ Israelkoakʼ kạiko ikại takome. Ar jionre ṭhik leka calakʼ reakʼ cetʼakome ar somppoti lekate okaṭakʼ disạmem emakawatʼko ona disạm cetanre dakʼ ocoyme.

Sereńko 119:106

Iń do amakʼ dhoromte perecʼ ạn ạri manaokate calakʼ reakʼ iń kiriạ akana, ar ona do kajaktegeń kiriạ akana.

1 Rapajko 19:10

Uni doe roṛ ruạṛkeda, “Sanam daṛeanicʼ Probhu Isor do jemon acʼakʼ paona bhotiye ńam onate ạḍiń gagojokʼ kana, ente Israelko do amakʼ teṅgoakʼ bondobosko bạgi akawada, ar amakʼ pinḍkoko rạputʼ giḍi akada ar amren nạbikoko gocʼ akatʼkoa. Ar iń eskarge sarecʼ minạńa ar nitokʼ do ińhõ gojeń reakʼko kurumuṭu kana.”

2 Rapajko 20:3

“E Probhu Isor, disạime baṛe, am samaṅre oka leka pạtiạrạnicʼ iń tahẽkana ar goṭa ontorte am botoram tulucʼ iń dãṛãnkan tahẽkana ar amakʼ mẽtʼre oka ṭhikakʼkan onageń kạmiyetʼ tahẽkana.” Ar niạ menkate Hiskiạ do hũk hũke rakʼkeda.

2 Rapajko 20:5

“Am do ruạṛ senkate ińren hoṛkoren mukhiyạ Hiskiạm metaea, amren hapṛam Dạudren Probhu Isor do niạ kathae meneda, ‘iń do amakʼ koejoṅiń ańjom akada ar amakʼ mẽtʼ dakʼ iń ńelakada. Iń do amiń bogemea. Ar ńitokʼ khon pe din hilokʼre am do Probhu Isorakʼ oṛakʼtem calakʼa.