Sereńko 119:2 - সান্তালী বাইবেল

² Bhạgangeako onko do, okoe uniyakʼ kathako ańjometʼkan ar goṭa ontorte uniyakʼ sana lekako calakʼkan.

Sereńko 119:2 Referans Kwoze

Jirimiạ 29:13

Ape do ontorte baḍaeyiń reakʼ tinrepe ahkaokʼa unre ińpe baḍae daṛeạńạ.

Sereńko 119:10

Ińakʼ goṭa ontorte iń do am baḍaeme lạgitʼ iń ahkaokʼ kana; amakʼ hukum bahre do alom dãṛã ocoyińạ.

Dosar Biboron 4:29

Menkhan ape do aperen Probhu Isor secʼ monpe ạcurtapea ar onate unipe ńamea, tobe apeakʼ goṭa mon, goṭa jiwi ar ontorte unipe sendrayea.

Johan 14:23

Jisu do uniye roṛ ruạṛadea, “Jãhãege ińe dulạṛiń uni do ińakʼ kathae dohoya. Ińren Baba do uniye dulạṛea ar uni ṭhen liń hijukʼte uni soṅgeteliń tahena.

Sereńko 25:10

Probhu Isorakʼ bondobos ar ạn lekate okoeko calakʼkan, onko ṭhen uniyakʼ sanam hor do asambheṛ dulạṛ ar pạtiạrte perecʼgea.

Jeheskel 36:27

Apere ińren Jiu iń bạisạuapea ar nonkań hoyocopea jemon ińakʼ sanam niạmpe manaotiń. Onate ape do ińakʼ ạn-ạṛikope moneyakʼa.

Kạhtukko 23:26

E bạbu, ińakʼ cecetʼakʼ baṛe moneyakʼme; jemon ińakʼ jion ńeltem rạskạkʼ.

Dosar Biboron 6:17

Aperen Probhu Isor oka hukumko ar sontor tahen reakʼ katha ar niạmkoe emakan ona do khạṭige manao hoyokʼtapea.

2 Bõsbudạ 31:21

Isorakʼ sana leka calakʼ lạgitʼ Isorakʼ oṛakʼ reakʼ kạmi ar ạn-ạriko manao babotre jãhãnakʼgeye kạmiyetʼ tahẽkan ona do goṭa mon ar ontortegeye kạmiyetʼ tahẽkana, ar onatege uni doe jo bahakʼ kan tahẽkana.

1 Rapajko 2:3

Amren Probhu Isorakʼ sanaleka uniyakʼ horte calakʼme ar Moseyakʼ ạn-ạrire ol akan Probhu Isorakʼ joto niạmko, hukumko, sopolhako ar gohawakʼkom dohoya. Nonkate jãhãnakʼgem kạmi ar jãhãtegem calakʼ onḍegem jo bahakʼa.

Sereńko 105:45

Jemon onko do uniyakʼ niạmko manao ar uniyakʼ ạn lekako calao daṛeakʼ. Probhu Isorakʼge sarhao hoyokʼtae ma.

Dosar Biboron 6:5

Ape do apeakʼ goṭa ontorte, goṭa jiwite, goṭa daṛete aperen Probhu Isor dulạṛepe.

Sereńko 119:22

Opoman ar landa dhutʼ do iń khon sạṅgińkakʼme, ente iń do amakʼ katha lekań senokʼkana.

Sereńko 119:146

Amiń hohowam kana, bańcaoińme baṛe; iń do amakʼ joto kathań senakʼa.

1 Bõsbudạ 22:19

Ńitokʼ ape do aperen Probhu Isorakʼ sana baḍae lạgitʼ apeakʼ goṭa jiwi, daṛete ar monte Probhu Isor ńutumte uniyakʼ sonot oṛakʼ benao lạgitʼ lạgiyạ paṛaokʼpe, jemon Probhu Isorakʼ bondobos reakʼ sinduk ar sonotakʼ jinisko do ạgukʼte onare dohokʼ.”

Sereńko 119:17

Amren nui golam baṛe bhạlạiyeme jemon jiwetʼiń tahen ar amakʼ katha lekań sen daṛeakʼ.

Sereńko 119:33

E Probhu Isor, amakʼ ạnko reaṅ cetʼạńme; Jion reakʼ mucạtʼ hạbicʼ iń do ona lekań senokʼa.

Sereńko 119:34

Iń bujhạu lạgitʼ daṛe emạńme, jemon amakʼ hukum lekań senokʼ ar ińakʼ sanam ontorte onań palon daṛeakʼ.

Sereńko 119:57

E Probhu Isor, am kangeam ińakʼ dhon do; iń do amakʼ katha leka calakʼ reakʼ iń kiriạkʼ kana.

Sereńko 119:69

Bạḍạiko do eṛeakʼte ińko esetʼ ạcur akadińạ menkhan iń do mon muruk kate amakʼ ạn ạrikoń senakʼkana.

Sereńko 119:88

Amakʼ khạndri dulạṛte am do nãwã daṛe baṛe emạńme, jemon amakʼ moca reakʼ katha lekań sen daṛeakʼ.

Sereńko 119:101

Joto lekan kại reakʼ hor khon ińakʼ jaṅga doń ocokʼakada, jemon amakʼ katha lekań sen daṛeakʼ.

Sereńko 119:115

Ape okoe do bạṛicʼakʼpe kạmikan, ape do iń khon men pharakokʼpe, jemon ińren Isorakʼ hukumkoń doho daṛeakʼ.