Sereńko 119:18 - সান্তালী বাইবেল

¹⁸ Ińakʼ mẽtʼ baṛe jhicʼkạtińme jemon amakʼ cecetʼakʼ talare hahaṛawakʼko reaṅ jemoniń ńel daṛeakʼ.

Sereńko 119:18 Referans Kwoze

Jesaea 35:5

Unre kãṛãkoakʼ mẽtʼ do saṛokʼtakoa, ar kala hoṛkoakʼ lutur do jhijokʼtakoa.

Mathae 13:13

Noa iạte phenko hoteteń cetʼako kana, ente onko do ńeńel tulucʼ bako ńeńelkana, ańjom tulucʼ bako ańjomeda ar bujhạu hõ bako bujhạueda.

Jesaea 32:3

Unre okoeko ńeńel onkoakʼ mẽtʼ do baṅ jạpidokʼtakoa, ar okoeko ańjom onko do ańjomtegeko tahena.

Jesaea 29:18

Enhilokʼ kalako do ona bedhao akatʼ puthi reakʼ kathako ańjoma, ar kaṛaṅ ńutre tahenkan kãṛãko doko ńeńela.

Johan 9:39

Jisui menkeda, “Iń do dhạrtite bicạr lạgitʼ iń hecʼakana, jemon baṅ ńeńelkoko ńeńel ar okoeko ńeńelkan onko do kãṛãko hoyokʼ.”

Mathae 16:17

Jisui roṛ ruạṛadea, “Jona hopon Simon, am dom bhạgangea, ente okoe manwa hõ am ṭhen noa do bae sodor akada; menkhan ińren sermaren Babageye sodor akatʼmea.

Johan sodor 3:18

Onate noa solhań emam kana, am do iń ṭhen khon seṅgelre rapakʼakʼ khạṭi sona kirińjoṅme, jemonem kisạ̃ṛ daṛeakʼ. Iń ṭhen khon ponḍ kicricʼ kirińkate horogme jemon onem uluṅ akan reakʼ lajaotetʼ alo ńelokʼtam. Iń ṭhen khon mẽtʼre lagao lạgitʼ aenom kirińjoṅme, jemonem ńeńel.

Ibriko 8:5

Naeke lekate onkoakʼ noa kạmi do serma kạmi reakʼ mitʼṭecʼ nạmuna ar umul leka. Onate Mose tinre sewa tạmbui benao lạgidokʼkan tahẽkana unre Isor do noa menteye sontorledea, “Sinại buru cetanre okako nạmunań udukʼatʼme ṭhik onka lekage jotowakʼem benao.”

Sereńko 119:96

Ińiń ńelakada jãhãnakʼ reakʼge puruntetʼ do bạnukʼa, menkhan amakʼ hukumko do joto secʼ khonge purungea.

Ibriko 10:1

Ạn-ạrikore menakʼakʼko do darakan sanam bhageakʼko reaṅ umulkana; onare sạriyakʼ reakʼ maraṅteakʼko do bạnukʼa. Onate okoe Isor sewa lạgitʼko hijukʼkan onko do ạn-ạrikote tishõ bochor ke bochor mitʼ lekan janwar dãṛẽte ohoe sạbit oco daṛelekoa.

Hosea 8:12

Ińakʼ ạn-ạri reakʼ ḍher kathage onko lạgitʼ iń olleda, menkhan onko do bidisiạ hoṛkoakʼ jãhãnakʼ jinis menteko hudisleda.

Mathae 20:33

Metadeakin, “E Probhu, mẽtʼ jhicʼkataliń me.”