Sereńko 119:173 - সান্তালী বাইবেল

¹⁷³ Amakʼ ti do goṛowạń lạgitʼ sapṛao akan tahenma, ente amakʼ ạn ạriko leka senokʼ reakʼ iń goṭa akada.

Sereńko 119:173 Referans Kwoze

Josuạ 24:22

Unre Josuại metatʼkoa, “Ape do niạ kathate apnarge aperen gohape hoyena, Probhu Isor gepe sewawaea mente.” Onkoko roṛ ruạṛkeda, “Hẽ, ale do goha gele hoyena.”

Luk 10:42

menkhan mitʼṭecʼge jạruṛakʼ do menakʼa. Ente Mạriạm do bhage bakhrageye bachao akawana. Ona do uni ṭhen khon baṅ rejogokʼa.”

Dosar Biboron 30:19

“Teheń serma ar ot do ape upạrteń goha ocoyetʼkinạ, iń do jion ar moron, bhor ar sarapge ape samaṅreń dohoakada. Jionge bachao joṅpe, jemon ape ar aperen hopon ar hoponerako jiwetʼpe tahen ar aperen Probhu Isorpe dulạṛete uniyakʼ kathape ańjom ar unirepe sapʼ kajak akae tahen, ente noakorege apeakʼ jion do menakʼa. Ar okaṭakʼ disạm emape lạgitʼ aperen hapṛam Abraham, Isahak ar Jakob ṭhene kiriạlen onḍegepe girobasokʼa.”

Philipiko lạgitʼ Pạul apostolakʼ ciṭhi 4:13

Ar okoe daṛeye imạńkan uni hotetege iń do jotowakʼiń kạmi daṛeakʼ kana.

2 Korinthiko 12:9

Menkhan uni doe metadińa, “Ińakʼ dayage am lạgitʼ ḍhera, ente nijorrege ińakʼ daṛe do sodorokʼa.” Onate ińakʼ nijorakʼko reaṅakʼre ạḍi kusikateń sarhaokʼa, jemon Mạsiyakʼ daṛe ińre tahen.

Mark 9:24

Unre gidrạren apat do ãṭ aṛaṅateye menkeda, “Iń doń pạtiạukʼ kangea; ar ńit hõ ińre oka bepạtiạu menakʼ ona baṛe ocokʼ kạtińme.”

Kạhtukko 1:29

Onko do ạkilko kurud akawada ar Probhu Isor botorae hõ bako khojleda.

Sereńko 119:117

Sabeńme, enḍekhan iń do rukhiyạń ńama, ar amakʼ ạn ạriko jaogeń manao idiya.

Sereńko 119:111

Amakʼ gohawakʼko jaejug hạbicʼ iń ạidạri akawana; onate ińakʼ ontor do rạskạkʼ kana.

Sereńko 119:94

Rukhiyạyińme baṛe, ente iń doń amren kangea; ar amakʼ ạn ạriko secʼ iń mone akawada.

Sereńko 119:40

Amakʼ ạn ạriko doń uihạretʼkana; am dom dhoromgete nãwã daṛe baṛe danạńme.

Sereńko 119:35

Amakʼ hukum reakʼ horre ạyurińme, ente iń do onategeń rạskạkʼa.

Sereńko 119:30

Iń do pạtiạr reakʼ horiń bachao akawana; amakʼ ạn ạriko iń samaṅreń dohoakada.

Sereńko 37:24

Gur lenre hõ onko do bako bhindạṛ tahena, ente Probhu Isorakʼ ti do onkoe sapʼ dohoyetʼkoa.

Josuạ 24:15

Ar aperen Probhu Isor sewawae bape menjoṅkan khan enḍekhan teheń ṭhik joṅpe okoepe sewawaea. Aperen hapṛamko Phurạt gaḍa hanasare okoe debotakoko sewawako kan tahẽkan onkope sewawakoa se okoeyakʼ disạmrepe girobasokʼ kan onko Amorikoren debotakope sewawakoa? Menkhan iń ar ińakʼ gharońjrenko do Probhu Isor gele sewawaea.”

1 Bõsbudạ 4:10

Jabes do Israelren Isor hohoadeteye metade tahẽkana, “Bhorạńme ar ińakʼ sompotti ḍherkạtińme. Ar amakʼ daṛe do iń são sãote tahenma ar sanam muhin khon rukhiyạyińme jemon kosṭo aloń ńam.” Ar Isor do uniyakʼ nehõrjoṅakʼe ańjomketʼtaea.