Sereńko 119:149 - সান্তালী বাইবেল

¹⁴⁹ Amakʼ khạndri dulạṛ lekate ińakʼ katha ańjomme; E Probhu Isor, amakʼ ạn ạri lekate nãwã daṛe baṛe danạńme.

Sereńko 119:149 Referans Kwoze

Jesaea 63:7

Iń do Probhu Isorakʼ dayań lại jạhira ar uniyakʼ sanamakʼ kạmi reakʼ iń sarhaotaea. Acʼakʼ daya ar asambheṛ dulạṛ iạte uni do Israel jạtrenko lạgitʼ ḍher bhạlại reakʼe kạmi akatʼte uni doń sarhaoea.

Sereńko 119:40

Amakʼ ạn ạriko doń uihạretʼkana; am dom dhoromgete nãwã daṛe baṛe danạńme.

Sereńko 109:21

Menkhan am do, E Probhu ińren Isor, amakʼ ńutum khạtirte iń baṛe dayawạńme; ar amakʼ dulạṛ do bhagege iạte iń bańcaoińme.

Sereńko 55:2

Iń secʼ beṅgedme, ar roṛ ruạṛạńme; ińren bạirikoakʼ katha reakʼ biste ar bạṛicʼkoakʼ santao khạtirte laṅgateń chaṭ paṭaokʼ kana ariń kuhrạueda. Onkoakʼ bạṛicʼ kạmi hotete onko do iń cetanre muhinko ạguiyeda, ar edrete ińko santaoedińa.

Sereńko 51:1

E Isor, amakʼ asambheṛ dulạṛ iạte ińre dayakʼme; amakʼ asambheṛ mãyãte ińakʼ sanam dusṭạmiko ikạ kạtińme.

Sereńko 119:156

E Probhu Isor, amakʼ mãyã do bạ̃ṛtigea; amakʼ ạn ạriko leka nãwã daṛe baṛe danạńme.

Sereńko 119:25

Iń do dhuṛireń guṛdạu akana; ar amakʼ katha leka nãwã daṛe baṛe danạńme.

Sereńko 69:16

E Probhu Isor, amakʼ daya reakʼ asambheṛ dulạṛte roṛ ruạṛạńme baṛe; ar amakʼ asambheṛ dayate iń secʼ ạcurokʼme.

Sereńko 119:154

Iń secʼ katha baṛe roṛme ar ińiń miridosge ona sạbudme; amakʼ gokʼakʼ lekage nãwã daṛe danạńme.

Sereńko 64:1

E Isor, ińakʼ ạrji ańjomtińme; ar bạirikoakʼ botor khon ińakʼ jiwi bańcaotińme.

Sereńko 119:88

Amakʼ khạndri dulạṛte am do nãwã daṛe baṛe emạńme, jemon amakʼ moca reakʼ katha lekań sen daṛeakʼ.