Sereńko 119:144 - সান্তালী বাইবেল

¹⁴⁴ Amakʼ sanam kathako do jaejug dhoromte perecʼgea; ona bujhạu lạgitʼ daṛe emạńme jemon jiwetʼ iń tahẽ daṛeakʼ.

Sereńko 119:144 Referans Kwoze

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniyakʼ mạhima bujhạu lạgitʼ marsal sodorokʼ. Ar noa mạhimage Mạsiyakʼ mẽtʼãhãre menakʼa.

Daniel 12:10

Ḍherkoge, sapha, niphuṭ arko khạṭi ocokʼa, menkhan dusṭạmi hoṛ do bedhorom iditegeko tahena. Dusṭạmiko do celege bako bujhạu daṛeakoa, menkhan ạkilanko doko bujhạu daṛeakogea.

Jirimiạ 4:22

Probhu Isore meneda, ‘Ińren hoṛko doko lelhagea; onko do bako baḍae akadińạ. Onko do bebuj hopon ar hoponera kanako; onko do bujhạu reakʼ daṛege bạnukʼtakoa. Bạṛicʼakʼ kạmiren guruko kanako, menkhan bogeakʼ kạmi do bako baḍaea.”

Sereńko 119:169

E Probhu Isor, ińakʼ rakʼjoṅ do am samaṅre seṭerokʼma; amakʼ katha lekate bujhạu lạgitʼ daṛe danạńme.

Jesaea 27:11

Ona reakʼ ḍạrko rohoṛlen khan ona do rạputʼ giḍikʼa ar maejiuko do hecʼkate seṅgelre onako khadlea. Noko do mitʼṭen lelha jạtren kanako, onate okoe onkoe benao akatʼko onko cetanre uni do jãhãnakʼ bae mãyãkʼa; onkoren sisirjạuicʼ hõ onkore bae dayakʼa.

Kạhtukko 10:21

Isor botoraekoakʼ luṭi do ḍher hoṛgeye ńeljutkoa, menkhan ạkil begorte bebuj hoṛ doko gujukʼa.

Sereńko 119:73

Amakʼ titege ińem tear akadińạ, arem benao rakapʼ akadińạ; iń bujhạu lạgitʼ daṛe imạńme jemon amakʼ sanam hukumkoń baḍae daṛeakʼ.

Mathae 13:19

Jãhãege serma rajosṭi reakʼ katha ańjomkatehõ bae bujhạu khan unre Soetan doe hijukʼa ar uniyakʼ monre oka katha er akan onae ạtkira. Ona hor aṛere ńurlen itạ reakʼte do nonkan hoṛ reaṅge roṛ akana.

Mathae 5:18

Sạrigeń metapekana, serma ar dhạrti ạuri cabakʼ hạbicʼ, ar ạn-ạri reakʼ sanamakʼ kathako ạuri purạukʼ hạbicʼ ona ạn-ạri reakʼ mitʼ akhor se ṭuḍạkʼ hõ oho meṭaolena.

Sereńko 119:152

Amakʼ goha khon laharegeń baḍae akada je, am do jaejug lạgitʼ onam dohoakada.

Sereńko 119:138

Amakʼ dhoromte ar maraṅ pạtiạrte am do amakʼ ạn ạrikom emakana.

Sereńko 119:66

Ińakʼ jemon bhage bud bicạr ar akel hoyokʼ onate iń baṛe cetʼạń me; iń do amakʼ sanam hukumkoreń bhorsa akana.

Sereńko 19:9

Probhu Isorakʼ botor do sapha utạrgea, ona do jaejug hạbicʼ tahenkana. Probhu Isorakʼ ạnko do sạrigea, onare bedhoromakʼ do cetʼge bạnukʼ anaṅ.

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

Hosea 4:6

Isor reaṅ ạkil begorte ińren hoṛko doko maraokʼkana. Ona ạkil bape moneyakʼkante iń hõ ińren naeke menkate bạń moneyape kana. Ape do aperen Isorakʼ ạn-ạrikope hiṛińakada, onate ińhõ aperen hopon ar hoponera koń hiṛińkotapea.

Sereńko 119:34

Iń bujhạu lạgitʼ daṛe emạńme, jemon amakʼ hukum lekań senokʼ ar ińakʼ sanam ontorte onań palon daṛeakʼ.

Sereńko 119:17

Amren nui golam baṛe bhạlạiyeme jemon jiwetʼiń tahen ar amakʼ katha lekań sen daṛeakʼ.

Sereńko 119:151

Menkhan E Probhu Isor, am do sorre menama, ar amakʼ sanam hukumko do sạrigea.

Kạhtukko 4:4

Unre iń baba doe cetʼạń tahẽkanteye menetʼ tahẽkana, “Amakʼ goṭa ontorte ińakʼ kathako sapʼ dohokakʼme; ar ińakʼ hukumko dohoyme, onate jiwetʼem tahena.

Kạhtukko 7:2

Ińakʼ hukum dohoyme, ar jiwetʼ baṛe tahenme. Ińakʼ cecetʼakʼ do amakʼ mẽtʼãhã reakʼ moni leka pahra dohoyme.