Sereńko 119:139 - সান্তালী বাইবেল

¹³⁹ Ińren bạiriko do amakʼ kathako hiṛiń akatʼte amakʼ manot rukhiyại lạgitʼ khạndri udgạu iń doe ńam akadińạ.

Sereńko 119:139 Referans Kwoze

Johan 2:17

Onate celako do sonot sostorre olakan uniyakʼ noa katha disạ hecʼatʼkoa: Amakʼ oṛakʼ lạgitʼ ińakʼ oka khạndri dulạṛtiń, ona dulạṛge ińakʼ ontor doe jal jalaotińạ.

Sereńko 69:9

Amakʼ oṛakʼ lạgitʼ ińakʼ oka dulạṛ menakʼ, ona dulạṛge ińakʼ ontor doe jaljalao ocoyeda. Ar okoe amko bemanotetʼme onkoakʼ sanam opomange ińre paṛaokʼkana.

Aposkạmi 13:27

Jerusalemren hoṛko ar onkoren mukhiyạko do Jisu bako oromledea. Noa chaḍa nạbikoakʼ okaṭakʼ katha jirạukʼ mãhãre jaoge paṛhao idikʼkan tahẽkan, ona katha hõ onko do bako bujhạu daṛeada; onate Jisuko dusikedete ona kathako purạukeda.

1 Rapajko 19:10

Uni doe roṛ ruạṛkeda, “Sanam daṛeanicʼ Probhu Isor do jemon acʼakʼ paona bhotiye ńam onate ạḍiń gagojokʼ kana, ente Israelko do amakʼ teṅgoakʼ bondobosko bạgi akawada, ar amakʼ pinḍkoko rạputʼ giḍi akada ar amren nạbikoko gocʼ akatʼkoa. Ar iń eskarge sarecʼ minạńa ar nitokʼ do ińhõ gojeń reakʼko kurumuṭu kana.”

Mathae 22:29

Jisui roṛ ruạṛatʼkoa, “Bhuletʼ kanape, ente ape do sostor hõ bape baḍaea, ar Isorakʼ daṛe reaṅ hõ bape baḍaekana.

Mathae 21:42

Jisui metatʼkoa, “Sonot sostorre tis hõ bape paṛhaoakada, ‘raj mistiriko okaṭakʼ dhiriko nihạ̃t giḍiletʼ, onage konac reakʼ asolakʼ dhiri hoyena; noa do Probhu Isor khonge hoyena, ar aboakʼ mẽtʼ samaṅre do hahaṛawakʼge?’

Mathae 21:16

Ar noako ńelteko ạṛisente onko do Jisuko metadea, “Onkoko menetʼkan ona do cetʼem ańjometʼgea?” Jisui metatʼkoa, “Hẽ, ańjometʼ kangeạń. Menkhan Sostorre cetʼ tishõ bape paṛhao akada: Bale gidrạko ar toa nunuko reakʼ moca khon, am do apnar lạgitʼ sarhaoem tear sạbitana?”

Mathae 21:13

“Sonot sostorte Isore menakada, ‘ińakʼ oṛakʼ do koejoṅ oṛakʼ ńumogokʼa,’ menkhan ape do ḍạkukoakʼ danderpe hoyocoakada.”

Mathae 9:13

Iń do mãyãgeń kusiyakʼ kana, dãṛẽ do baṅ, sonot sostorre noa katha reakʼ mane cetʼkana mente ona baṛe ḍunḍhạukate ńelpe. Ente dhorom hoṛ hohoako lạgitʼ do baṅ, menkhan kại hoṛko lạgitʼgeń hecʼakana.”

Sereńko 53:4

Bạṛicʼakʼ kạmikanko do cetʼ nunạkʼgeko bebujgea? Hoṛko cetʼleka jomakʼko jometʼkan onkage onko do ińren hoṛko jometʼkoa; onko do Isor hõ bako hohoaea.

1 Rapajko 19:14

Uni doe roṛ ruạṛkeda, “Sanam daṛeanicʼ Probhu Isor do jemon acʼakʼ paona bhoktiye ńam onate iń do ạḍiń gagojokʼ kana, ente Israelko do amakʼ teṅgoakʼ bondobosko bạgi akawada, ar amakʼ pinḍkoko rạputʼ giḍi akada ar amren nạbikoko gocʼ akatʼkoa. Eken iń eskarge sarecʼ minạńa ar ńitokʼ do iń hõ gojeń reakʼko kurumuṭu kana.”

Sereńko 69:10

Ińakʼ rakʼjoṅ ar ińakʼ upạs reakʼ kosṭo do ińakʼ durnam lekage hoyakantińạ.