Sereńko 119:136 - সান্তালী বাইবেল

¹³⁶ Ińakʼ mẽtʼdakʼ do ạtukʼkantińạ ente hoṛko do amakʼ hukum bako manaoeda.

Sereńko 119:136 Referans Kwoze

Jirimiạ 9:1

Hae, ińakʼ bohokʼ do dakʼge hoylen khan, ar ińakʼ mẽtʼ do jharna dakʼge hoylentiń khan! Enḍekhan iń jạtren okoeko hoṛko gocʼ ocoakan onko lạgitʼ siń ar ńindạń rakʼkea.

Jeheskel 9:4

Uni doe metadea, “Am do Jerusalem nagraha talate parom calakʼme ar ona talare okako bạṛicʼakʼ kạmi hoyakan ar ona iạte okoeko kũhrạuetʼkan onkoakʼ moloṅre mitʼṭecʼ cinhạ emakom.”

Jirimiạ 14:17

“Am do hoṛko noa katham metakoa, ‘siń ńindạ ińakʼ mẽtʼ khon mẽtʼ dakʼ jorokʼma, ente iń jạtren kũạri kuṛiko do ạḍiko ghạl akana.

Jirimiạ 9:18

Onko do usạra hecʼkate abo ńutumteko jare jarekʼ ma jemon aboakʼ mẽtʼ dakʼ hiḍir hiḍir jorokʼtabon.

Sereńko 119:158

Bepạtiạrko ńelte iń doń hirkhạkʼ kana, ente onko do amakʼ katha leka bako calakʼ kana.

Sereńko 119:53

Bạṛicʼ hoṛkoakʼ bạṛicʼtetʼ ńelte ạḍitetʼ iń raṅgaokʼ kana, onko do amakʼ hukumko bạgi akada.

1 Samuel 15:11

“Sạul do ińakʼ monduk reakʼe hoyakana, ente uni do iń ṭhen khone pharak akana ar ińakʼ hukume bebatao akada.” Niạ katha ańjomkate Sạmuel doe khĩsena ar goṭa ńindạ Probhu Isor ṭhene rakʼ aṅgakeda.

Luk 19:41

Ado Jerusalem ṭhenko hecʼen khan Jisu do nagraha ńelteye rakʼkeda.

Jirimiạ 13:17

Ar katha bape ańjom khan apeakʼ bạḍại iạte iń do danaṅreń raga, ạḍitetʼ geń raga ar ińakʼ mẽtʼ do mẽtʼ dakʼte perecʼjokʼtińạ, ente Probhu Isorren hoṛ do bondikateko idi ocokʼa.

Esra 10:1

Esra do tinre Isorakʼ oṛakʼ samaṅre otre ombakʼkate rakʼ rakʼteye koejoṅkan tahẽkana ar kạiye aṅgocetʼ tahẽkana unre Israelkoren ạḍi utạr herel, maejiu ar gidrạko do uni ṭhen hecʼkateko jarwayena. Ar onko hõ ạḍitetʼko rakʼkeda.