Sereńko 119:124 - সান্তালী বাইবেল

¹²⁴ Amren golam sãote amakʼ asambheṛ dulạṛ lekate beoharińme baṛe, ar amakʼ ạnko hõ cetʼạńme.

Sereńko 119:124 Referans Kwoze

Sereńko 119:12

E Probhu Isor, am dom bhạgangea. Amakʼ ạnko cetʼạńme baṛe.

Daniel 9:18

E ińren Isor, luturakʼme baṛe; ar ańjomme; amakʼ mẽtʼ jhijme ar okaṭakʼ nagraha do amakʼ ńutumte bikạuakan ona reakʼ ujạṛakʼ mitʼ dhao beṅgetʼakʼme. Aleakʼ gunte do baṅ bickom amakʼ maraṅ dayate am ṭhenle nehõrokʼ kana.

Sereńko 130:7

E Israel, Probhu Isorre as dohojoṅme, ente Probhu Isor ṭhen do asambheṛ dulạṛ menakʼa, ar chaḍao reakʼ hõ ḍher ektiạri menakʼtaea.

Sereńko 119:132

Okoe amko dulạṛme onkore cetʼlekam tahenkan, onkage iń secʼ ạcurokʼme ar iń dayawạńme.

Sereńko 119:26

Ińakʼ jion reakʼ sanamakʼ doń baḍae ocoakatʼmea, ar am do ińem roṛ ruạṛ akadińạ; amakʼ ạnre sikhạuna emạńme;

Sereńko 103:10

Aboakʼ kạiko lek do bae sạjại bona; ar aboakʼ ghạṭko lek do bae hala ruạṛ abona.

Sereńko 69:13

Menkhan E Probhu Isor, amakʼ daya tinre ńamokʼkan tahẽkana unrege iń do am ṭheniń koejoṅkan tahẽkana; E Isor, amakʼ asambheṛ dulạṛte amakʼ babańcao reakʼ pạtiạrtetʼ ńelte roṛ ruạṛạńme.

Sereńko 51:1

E Isor, amakʼ asambheṛ dulạṛ iạte ińre dayakʼme; amakʼ asambheṛ mãyãte ińakʼ sanam dusṭạmiko ikạ kạtińme.

Sereńko 69:16

E Probhu Isor, amakʼ daya reakʼ asambheṛ dulạṛte roṛ ruạṛạńme baṛe; ar amakʼ asambheṛ dayate iń secʼ ạcurokʼme.

Luk 18:13

Unre uni mạsul-uṭhạuicʼ do thoṛa sạṅgiń ńokʼre teṅgo akane tahẽkana. Uni do serma secʼ beṅgetʼ rakapʼ hõ bae dilleda; ar koṛam ceṭakʼateye menkeda, ‘E Isor, iń doń kại hoṛ kana; ińre mãyãkʼme baṛe.’

Sereńko 119:41

E Probhu Isor amakʼ asambheṛ dulạṛ udukʼạńme; amakʼ gokʼakʼ lekage bańcaoińme.

Sereńko 79:8

Sedaeren hapṛamkoakʼ behokakʼ do alere alom paṛao ocoya; am do usạrage amakʼ dulạṛ udugme, ente ale do ạḍitetʼle botorokʼ kana.

Nehemiạ 9:20

Ar onko cetʼako lạgitʼ do amren bhạlạiyicʼ atmam danatʼko tahẽkana. Am do onko jom ocoko lạgitʼ serma khon Mannam emalena ar ona do bam bondleda; ar onkoakʼ tetaṅ maraotako lạgitʼ do dakʼem ematʼkoa.

Sereńko 31:20

Onko do amakʼ mẽtʼãhã danaṅre dohokom manwakoakʼ soṛojontro khon hõ danaṅ kom; jhogṛa reakʼ reṭe peṭeko khon amakʼ hirlạrege begar dohokom.

Sereńko 119:88

Amakʼ khạndri dulạṛte am do nãwã daṛe baṛe emạńme, jemon amakʼ moca reakʼ katha lekań sen daṛeakʼ.