Sereńko 119:112 - সান্তালী বাইবেল

¹¹² Jao ghuṛi, hẽ mucạtʼ hạbicʼge iń do amakʼ ạnko pańjae lạgitʼ ińakʼ ontoriń lawer akatʼtińa.

Sereńko 119:112 Referans Kwoze

Sereńko 119:33

E Probhu Isor, amakʼ ạnko reaṅ cetʼạńme; Jion reakʼ mucạtʼ hạbicʼ iń do ona lekań senokʼa.

Sereńko 119:36

Behok lab secʼ ińakʼ ontor alo ạcurokʼma, bickom amakʼ katha secʼgeń ạcurokʼ.

Sereńko 141:4

Ińakʼ mon do jãhãn bạṛicʼ jinis secʼ alom sen ocowakʼa, jemon bedhoromko sãote bạṛicʼ kạmire aloń seledokʼ; ar onkoakʼ bhage bhage jomakʼ jemon aloń jom.

Sereńko 119:44

Iń do jao ghuṛi amakʼ hukumiń senakʼkana, ar jaejug hạbicʼgeń manao idiya.

1 Rapajko 8:58

Abo do uniyakʼ joto horte calakʼ lạgitʼ ar aboren hapṛamko ṭhen okako hukum ar ạn-ạrikoe emakan ona manao lạgitʼ aboakʼ ontorre pạtiạu baṛeye dan abonma.

Josuạ 24:23

Josuại menkeda, “Enḍekhan apeko talare okoe ạnạṛi Isor menakʼko ńitokʼ sạṅgiń giḍikakope ar Israelkoren Probhu Isor secʼ moneyakʼpe.”

1 Patras 1:13

Onate monre paṭhe keṭejokʼpe ar apnarte sambṛaokʼpe. Jisu Mạsiye sodorokʼre okaṭakʼ bhorpe ńam, ona lạgitʼ purạpuri as dohoyte koyokʼ hor akae tahenpe.

Philipiko lạgitʼ Pạul apostolakʼ ciṭhi 2:13

Isor do apeakʼ monre nonkae kạmikana one onate uniye kusikʼ onkan kạmi reakʼ monsubạ ar daṛe hecʼape.

Johan sodor 2:10

Am do okako dukem jom lạgidokʼkan onate thoṛa hõ alom botorokʼa. Ańjomme, Soetan do ape modren adomko biḍạupe lạgitʼ hajotreye bhoraopea, ar gel din hạbicʼ ape do kosṭope joma. Am do gujukʼ hạbicʼ pạtiạr akae tahenme, enḍekhan jitạukʼ reakʼ mala leka jioniń emama.

2 Bõsbudạ 19:3

Tobe amre thoṛa bhageakʼ hõ menakʼa, ente am do disạmren Asera-muṭhạnkom marao giḍi akatʼkoa ar Isorakʼ sana leka calakʼ lạgitʼ amakʼ monem keṭecʼakada.”

Esra 7:10

Esra do Israel disạmre Probhu Isorakʼ ạn-ạriko paṛhao ańjomako, onako manao, ar ona reakʼ niạmko ar hukumko cetʼako lạgitʼ apnartetʼe emena.

Sereńko 18:22

Uniyakʼ joto ạn-ạriko do iń samaṅre menakʼa; ar uniyakʼ ạn ạri khon do bạń ocokʼ akana.

Kạhtukko 2:2

ar ạkil secʼ monem bitʼ letam khan ar buj secʼ monem ạwil letam khan,