Sereńko 119:108 - সান্তালী বাইবেল

¹⁰⁸ E Probhu Isor, iń do ińakʼ kusileka okaṭakʼ sarhao reakʼ dãṛẽń samaṅam ona baṛe ataṅtińme, ar amakʼ ạn ạriko cetʼạńme.

Sereńko 119:108 Referans Kwoze

Ibriko 13:15

Onate delabon, Mạsi hotete Isor ṭhen sarhao reakʼ samaṅokʼakʼ jaoge bon samaṅma, metakʼme Isorren hoṛ mente okoe apnarteko aṅgocetʼkan onko do akoakʼ mocate Isorko gun manao joharae ma.

Hosea 14:2

Ape do Probhu Isor ṭhen ruạṛ hijukʼpe ar uni metaepe, “Aleakʼ sanam kạiko ikạitaleme ar aleakʼ oka bhageakʼkan ona ataṅme jemon ale do damkom samaṅokʼakʼ leka aleakʼ luṭitele sarhaome.

Sereńko 119:12

E Probhu Isor, am dom bhạgangea. Amakʼ ạnko cetʼạńme baṛe.

Sereńko 119:169

E Probhu Isor, ińakʼ rakʼjoṅ do am samaṅre seṭerokʼma; amakʼ katha lekate bujhạu lạgitʼ daṛe danạńme.

Numeri 29:39

“Manot akatʼakʼ purạu ar apnarakʼ sanateakʼ samaṅokʼakʼ lekate okako jeredokʼ samaṅokʼakʼ, jomakʼ samaṅokʼakʼ, coḍor samaṅokʼakʼ ar sulukren samaṅokʼakʼpe samaṅ onako chaḍa hõ mimitʼ niṭakan porobre ona reakʼ lek lekan samaṅokʼakʼko Probhu Isor ńutumte samaṅ hoyokʼtapea.”

Sereńko 119:130

Amakʼ kathako sodorlenre marsale emeda; ona do sojhe monan hoṛkoakʼ buj reakʼ daṛeye emakoa.

Sereńko 119:26

Ińakʼ jion reakʼ sanamakʼ doń baḍae ocoakatʼmea, ar am do ińem roṛ ruạṛ akadińạ; amakʼ ạnre sikhạuna emạńme;

2 Bõsbudạ 31:14

Hoṛkoakʼ kusi lekateakʼ samaṅokʼakʼ jinis reakʼ bhar do purub secʼ reakʼ duạr horhoyicʼ Liwi Imnaren hopon Kori cetanre tahẽkana. Ar Probhu Isor emae joto dan-sandes ar sonot utạrakʼ jinisko hạṭiń reakʼ bhar hõ uni cetanrege tahẽkana.

Sereńko 27:6

Okoeko bạiriko esetʼ ạcur akadiń unre onko khon ińakʼ manot do arhõ ḍherokʼtińạ; iń do uniyakʼ oṛakʼre ãṭ aṛaṅate aema lekan dãṛẽkoń samaṅa; ar Probhu Isor lạgitʼ iń õṛhẽ sereńa ariń sarhaoea.