Sereńko 118:12 - সান্তালী বাইবেল

¹² Dumur lekageko tudrạu esetʼ akadińạ; ar jạnum jhạuạ reakʼ seṅgel leka onko do usạrateko ĩṛicʼgotʼena. Probhu Isor ńutumte iń do khạṭigeń marao cabakoa.

Sereńko 118:12 Referans Kwoze

Dosar Biboron 1:44

Ona ńelte okoe Amoriko ona burureko girobasokʼkan tahẽkan onko do ape upạrte lạṛhại lạgitʼko oḍok hecʼena. Ar mitʼ jhãk dumur leka apeko lagaketʼpea ar Seir reakʼ Horma nagraha hạbicʼko tuṛ idiketʼpea.

1 Samuel 17:45

Unre Dạud do uni Philisṭiye metadea, “Am do tarwaṛe, borlom ar chorawante iń ṭhenem hijukʼkana, menkhan iń do phạdkoren Probhu Isor ńutumte am ṭheniń hijukʼ kana, one okoe dom henosta akawade.

Sereńko 20:5

Amem jitạukʼre jemonle rạskạ daṛeakʼ ar aleren Isor ńutumte jhạnḍi jemonle rakabtale. Probhu Isor do amakʼ sanam koejoṅe luturakʼtam ma.

Sosolhayic̕ 7:6

Ṭukucʼ latarre jạnum sahan cetʼ leka oṭejokʼ; bebujkoakʼ landa hõ onkage. Noa hõ ạuṛiyakʼgea.

Sereńko 20:1

Amakʼ dukokʼ dinre Probhu Isor do amakʼ hohoe ańjomtama; Jakobren Isor do nirạiteye dohome ma.

Sereńko 58:9

Apeakʼ ṭukucʼre seṅgel reakʼ ãc ạuri paṛaokʼrege uni do rohoṛ ar jạnum sahanko birbão hoeteye oṭaṅ idiya.

Sereńko 8:9

E Probhu Isor, aleren kisạ̃ṛ, goṭa dhạrtige amakʼ ṭhonokte perecʼ akana.

2 Samuel 23:6

Menkhan bạṛicʼ hoṛ do totʼ giḍi ocokʼ jạnum leka kanako, one onko do tite ohoko sapʼlen.

Nạhum 1:10

Ape do jạnum jhạuạrepe ramphakʼa ar darkha rasa ńũtepe bulokʼa; ar lanḍha lekape lokʼa.

Jesaea 27:4

Ona upạrte ińakʼ edre do bạnukʼtińạ. Aha, jạnum ar rạṅgạini upạrte lạṛhại tahentiń khan! Onako upạrte jhãpiń emkea ar seṅgelreń atar giḍikea.

Jesaea 33:12

Hoṛko do rapakʼakʼ cun dhiri lekako hoyokʼa ar getʼ giticʼakʼ jạnumko lekage onako do seṅgelreko atar giḍi ocokʼa.”