Sereńko 115:4 - সান্তালী বাইবেল

⁴ Onkoren boṅga murhutʼko do sona ar rupạte manwa tite benaoko kanako.

Sereńko 115:4 Referans Kwoze

Dosar Biboron 4:28

Onḍe ape do manwa tite kaṭren ar dhiriren benao muṭhạnkope sewawakoa okoe do bako ńeńel, bako ańjom, bako jom daṛeakʼ ar sãhetʼ hõ bako sãhetʼ daṛeakʼ.

Jesaea 44:10

Nonkanicʼ okoe menaea one goṛhon muṭhạne dul ar ona iạte porho bae asokʼkan?

Aposkạmi 19:26

Menkhan ar hõpe ńeletʼkana arpe ańjometʼgea, Pạul ńutuman uni hoṛ do aboakʼ noa Ephesusre ar goṭa Asiạ Prodesren ḍher hoṛkoe biswạs ocoyetʼkote bhul horteye idiyetʼkoa. Uni doe metako kana tite benaoetʼko debota do cele hõko baṅkana.

Aposkạmi 19:35

Ado mucạtʼre nagraharen mitʼṭen sorkari kạmiạyicʼ do hoṛkoe thir ocoketʼkoteye metatʼkoa, “E Ephesusren hoṛko, noa katha do sanam hoṛgeko baḍaea baṅma, maraṅ Artemis debakʼ mundil ar Jupiter khon uniyakʼ oka muṭhạn ńur akan onaren rukhiyạko do Ephesus nagraharenge.

Hosea 8:6

Israelren hoṛge uni mĩhũ doko benao akadea. Mitʼṭen kạrigolge uni doe benao akadea; onate uni do Isor doe baṅkana. Samariạren uni mĩhũ hopon doe rạputʼ gejer ocokʼa.

Sereńko 97:7

Okoe murhutʼko sewawako kan ar Deb debota iạteko bạḍạiyokʼ kan onko sanamkoge lajaoreko paṛaokʼma; Probhu Isor samaṅre debotako do bohokʼko kuḍbur takoma.

Jesaea 44:20

Uni do torocʼ jom lekae kạmiya ar uniyakʼ bạulạha akan mon do bạṛicʼ horteye idiyea. Apnarte uni do bae rukhiyạ daṛeakʼa se bae mena, “Ińakʼ jojomti reakʼ niạ jinis do cetʼ eṛeakʼ baṅkana?”

Jesaea 42:17

Menkhan okoe goṛhon muṭhạnreko bhorsakʼkan, ar okoe do chãchre dulakʼ boṅga muṭhạnko metakʼkan, ‘apege aleren debota do,’ enḍekhan onko do ạḍi lajaoreń paṛao ocokoa.

2 Rapajko 19:18

Onkoren debotako do seṅgelre giḍikateko nosṭo caba akatʼkoa. Onko do Isor doko baṅkana, onko do manwa tite benaoakʼ eken kaṭ ar dhiri kanako; ona iạtege onko doko marao giḍi daṛeatʼko tahẽkana.

1 Rapajko 18:26

Okoeṭakʼ ḍaṅgra onkoko hataoan uniko getʼ khanḍa khunḍikedete mońjteko tearkedea. Ona tayom onko do setakʼ khon tikin hạbicʼ Bakʼal debotako hohoadea. Ar ãṭ aṛaṅte hohoaeko ehopʼena, “E Bakʼal debota, de roṛ ruạṛaleme baṛe.” Menkhan cetʼ roṛ ruạṛge bako ńamleda. Ar onko do pinḍko beṛahaete enejokʼko ehopʼena.

1 Rapajko 18:29

Onko do tikin khon tarasiń okte reakʼ janwar samaṅokʼ okte hạbicʼ boktaokʼtegeko tahẽyena. Menkhan jãhãn aṛaṅge bako ńamleda, ar cele hõ bae roṛ ruạṛatʼkoa, ar mone hõ bae moneyatʼkoa.

2 Bõsbudạ 32:19

Onko do manwa titeko benaokʼ dhạrtiren sanam jạtkoren debotako reaṅ okako roṛketʼ onkage Jerusalemren Isor reaṅ hõko roṛkeda.

Jesaea 44:9

Okoe goṛhon muṭhạnko benao onko doko ạuṛiyakʼgea; onkoren damanakʼ jinisko do porhoanakʼ doko baṅkana. Onko muṭhạnko secʼ okoe kathako roṛ onko doko kãṛãgea, cetʼge bako baḍaea; ona iạte onko do lajaoreko paṛaokʼa.

Daniel 3:5

tinre sakwa, tiriạ, binạ banam, peṛesaṅ, taranakʼ banamko, joṛa murli ar sanam lekan bajnako reakʼ saḍepe ańjoma unre ape joto hoṛ do otre ombakʼkate Nebukadnesar rajren bekʼnaoicʼ uni sonaren murhutʼpe sewawaea.

Daniel 5:23

Menkhan ona bodolte amge sermaren Probhu Isor upạrtem teṅgon akana. Am do uniyakʼ oṛakʼ khon ạguwakʼ bạṭikom oḍok ạgu ocoakada, ar onakore am ar amren mukhiyạko, amren bạhuko ar chuṭki erako ape do darkha rasape ńũ akada. Ar am do sonaren, rupạren, pitạlren, mẽṛhẽtʼren, kaṭren ar dhiriren benao akatʼko debotako okoe do ńeńelhõ bako ńeńel ar ańjom hõ bako ańjom ar bujhạu hõ bako bujhạu onkom sarhaoetʼkoa. Menkhan Isor do bam sarhaoede kana, one uniyakʼ tire amakʼ jiwi ar amakʼ goṭa horge menakʼtam.