Sereńko 115:3 - সান্তালী বাইবেল

³ Aboren Isor do sermare menaea; uni do acʼakʼ sana lekageye kạmikana.

Sereńko 115:3 Referans Kwoze

Sereńko 135:6

Ot ar sermare, jalapuri ar khạndriyakʼkore Probhu Isor do acʼakʼ kusi sana lekae kạmikana.

Daniel 4:35

Dhạrtiren sanam hoṛ uni ṭhen do cele hõko baṅkana. Uni do serma goḍetko ar dhạrtiren hoṛkoante acʼakʼ kusi sana lekae kạmikana. Nonkan celege bạnukʼkoa, uniyakʼ tiko thir ocodaṛeataea arko men daṛeaea, ‘cetʼem ceka kana am do?’

Jesaea 46:10

Etohopʼ khonge mucạtʼakʼ koń jạhireda, ar sedae khon oka baṅ hoyakan ona hõń lạiyeda. Ińiń men akada, ińakʼ monsubạ do ṭarhao akaege tahena; ar ińakʼ jotowakʼ monsubạń purạutińạ.

Ephesiko lạgitʼ Pạul Apostolakʼ ciṭhi 1:11

Isor do acʼakʼ bud ar akelte apnarakʼ kusileka jotowakʼgeye kạmiyeda. Acʼakʼ monsubạ leka laha khon okaṭakʼe niṭ dohoakatʼ tahẽkan onkage Mạsi hotete acʼren hoṛko hoyokʼ lạgitʼ uni do aboe bachao dohoakatʼ bona.

Sereńko 103:19

Probhu Isor do sermare uniyakʼ siṅghạsone tear akada; uni do jotowakʼ cetanregeye rajokʼa.

Romiko lạgitʼ Pạul Apostolakʼ ciṭhi 9:19

Hoedaṛeakʼa ape modre jãhãepe mitạńa, “Cedakʼ enḍekhan ńit hõe dusi kana? Ar jãhãege cetʼ uniyakʼ monejoṅakʼreye teṅgo daram daṛeakʼa?”

Sereńko 2:4

Probhu Isor do serma reakʼ siṅghạson khone landa kana; Uni do onkoe siṛogakokana.

Mathae 6:9

Onate ape do nonka leka koejoṅpe; E aleren sermare menam Baba, amakʼ ńutum sonotokʼ ma.

Sereńko 123:1

E serma reakʼ siṅghạsonre duṛupʼ akanicʼ; iń do am secʼiń beṅgetʼ rakapʼeda.

1 Bõsbudạ 16:25

Probhu Isorgeye maraṅa ar sanamko cetanre unige sarhaoanicʼ lek kanae; sanam debotako khon hõ uni doe botorangea.

Sereńko 68:4

Isor lạgitʼ sereńpe, ar uni õṛhẽ sereńaepe; hahaṅkar talate okoe do rãt gạḍire decʼkateye hijukʼkan uni lạgitʼ usul hor tearpe; uniyakʼ ńutum do Probhu Isor, uni samaṅre hulạsokʼpe.

Jobakʼ 23:13

Menkhan jotowakʼre uni do bin bodolicʼ kanae, okoege uni do bako tạkicʼ daram daṛekea; ar uni okae kusiyakʼ onageye kạmikana.

Daniel 4:32

Am do hoṛko tala khonem laga ńir ocokʼa ar janwarko sãotem tahena; ar ḍaṅgra leka ghãskom joma. Ar tin hạbicʼ bam aṅgoc maraṅ Isor do manwakoakʼ rajosṭiko cetanreye rajokʼkana ar onako rajosṭi do acʼakʼ kusi lekae em akokana unhạbicʼte eae bochor do parom calakʼa”