Sereńko 115:16 - সান্তালী বাইবেল

¹⁶ Serma do Probhu Isorakʼ serma kana, menkhan dhạrti do manwakoe em akatʼkoa.

Sereńko 115:16 Referans Kwoze

Sereńko 8:6

Amakʼ tite sirjạu reakʼ cakʼlao bhar do unigem emakawadea ar noako jotowakʼ do uniyakʼ jaṅga latarrem dohoakada.

Sereńko 89:11

Serma hõ amakʼge ar dhạrti hõ amakʼge; ot ar ona reakʼ jotowakʼge amem benao akada.

Dosar Biboron 32:8

Maraṅ Isor do tinre eṭakʼ jạtrenko sompottiye hạṭińatʼkoa, ar manwa hoponko tinre eṭakʼ eṭakʼ jạtreye hạṭińketʼkoa, unre Israel jạtrenkoakʼ lekhae disạ dohṛaketʼte eṭakʼ jạtrenkoakʼ simạnakoe ṭhik dohoatʼkoa.

Sereńko 144:5

E Probhu Isor, amakʼ serma khon pheḍ hijukʼme; ar buru boṭkocʼko joṭedme jemon onako khon dhũạ oḍokokʼ.

Jesaea 66:1

Probhu Isore meneda, “Serma do ińakʼ siṅghạson kana ar ot do ińakʼ jaṅga lebedokʼakʼ ganḍo kana. Iń lạgitʼ oṛakʼ do okarepe benaoa? Ińakʼ koejoṅ reakʼ ṭhạ̃i do okare hoyokʼa?

Johan 14:2

Ińren Babawakʼ oṛakʼre ạḍi utạr tahen jaega menakʼa. Ona baṅ tahẽlen khaniń lạikepea, ape lạgitʼ jaega teariń calakʼ kana.

Rak̕joṅ 3:66

E Probhu Isor onko do edretem laga ńirkoa, ar amakʼ serma latar khonem maraokoa.

Sereńko 148:4

E serma, uni sarhaoeme; E serma cetan reakʼ dakʼ, uni sarhaoeme.

Dosar Biboron 10:14

“Serma ar ona cetan reakʼ sanamakʼko ar ot ar ona reakʼ sanamakʼko jotoge aperen Probhu Isorakʼ kana.

Sereńko 89:12

Utạr ar dạkhin do amakʼ sirjạukangea; Tabor ar Hermon buru do am iạte rạskạte kin sereńeda.

Jesaea 45:18

Probhu Isor, okoe do sermae sirjạu akatʼ, uni kangeae Isor do; one uni dhạrti do muṭhạne emakawatʼ are benao akatʼ, unige onae bandhoakada. Ar dhạrti do ạlmạl bae benaoleda, bickom girobasokʼ lạgitʼgeye benaokeda. Uni doe meneda, “Iń kangeạń Probhu Isor do, iń chaḍa eṭagicʼ do ar cele hõ bạnuiya.