Sereńko 113:2 - সান্তালী বাইবেল

² Probhu Isorakʼ ńutum sarhao hoyokʼtae ma, ńit ar jaejug hạbicʼ.

Sereńko 113:2 Referans Kwoze

Daniel 2:20

Uni doe menkeda, “Isor do jaejug baṛe bhạganicʼe hoyokʼma; ạkil ar daṛe do uniyakʼge.

Johan sodor 5:13

Ona tayom sermare, dhạrtire, ot latarre ar jalapurire tinạkʼ jiwiyanko menakʼko, ar onare jãhãnakʼge menakʼ jotokoge noa katha roroṛkaniń ańjomketʼkoa: “Singhạsonre okoeye duṛupʼ akan Uniyakʼ ar uni Bheḍa Hoponakʼ sarhao man ar ṭhonok ar daṛe do jaejug hạbicʼ tahenma.”

Sereńko 41:13

Pạhil khon mucạtʼ hạbicʼ Israelren Probhu Isorakʼge sarhao hoyokʼtae ma. Amen, amen.

1 Bõsbudạ 16:36

Sirjạu reakʼ etohopʼ khon jaejug hạbicʼ Israelkoren Probhu Isorakʼ sarhao baṛe hoyokʼtae ma.” Inạ tayom sanam hoṛko menkeda, “Amen, Probhu Isorakʼge sarhao hoyokʼtaema.”

Ephesiko lạgitʼ Pạul Apostolakʼ ciṭhi 3:21

Jisu Mạsi hotete ar manḍerko talate piṛhike piṛhi jaejug hạbicʼ Isorakʼ ṭhonok baṛe hoyokʼtae ma. Amen.

Sereńko 106:48

Sirjạu reakʼ etohopʼ khon jaejug hạbicʼ Israelkoren Probhu Isorakʼ sarhao baṛe hoyokʼtaema. Sanam hoṛko menma, “Amen.” Probhu Isorakʼge sarhao hoyokʼtae ma.

Sereńko 115:18

menkhan abo do Probhu Isor bon gun manao joharaea, uni gun man johar bon emaea ńit khon jaejug hạbicʼ. Probhu Isorakʼge sarhao hoyokʼtae ma.