Sereńko 112:3 - সান্তালী বাইবেল

³ Uniyakʼ oṛakʼre do dhon duribko tahena; uniyakʼ dhorom do jaejug hạbicʼ tahena.

Sereńko 112:3 Referans Kwoze

Kạhtukko 15:6

Dhorom hoṛakʼ oṛakʼ do aema dhon menakʼa, menkhan bedhoromkoakʼ arjaoakʼ do muhine ạguiya.

Kạhtukko 3:16

Uniyakʼ jojom tire do ḍher bahaokʼ din menakʼa ar leṅga tire do dhon ar manot menakʼtaea.

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

Jesaea 33:6

Piṛhi cetan piṛhi uni do onkoren rurukhiyạyicʼ, babańcaoicʼ, ạkil ar buj reakʼ daṛe kanae. Probhu Isor botoraege onkoakʼ dhon do.

Sereńko 112:9

Uni do chiṭiạukedae, reṅgecʼ orecʼkoe ematʼkoa; uniyakʼ dhorom do jaejug hạbicʼ tahenkana, uniyakʼ daṛe ar man do ḍher idikʼtaea.

2 Korinthiko 6:10

Ạḍi dukle ńametʼre hõ aleakʼ ontor do jao ghuṛi rạskạte perecʼgetalea. Ale do apnarle reṅgecʼgere hõ, ḍher hoṛkole kisạ̃ṛ ocoyetʼkoa. Cetʼge bạnukʼtalere hõ, jotowakʼren ạidạriko kanale. Ar nonkatele sodoretʼkana, ale do Isorren sapʼ dapʼko kanale.

Sereńko 111:10

Probhu Isor botorae do ạkil reakʼ etohopʼ kana; okoe ona lekako kạmi onko do akelko ńama. Probhu Isorakʼ sarhao do jaejug hạbicʼ tahenma.

Sereńko 111:3

Uniyakʼ kạmi do gun manao ar ṭhonokte perecʼgea, uniyakʼ dhorom do jaejug hạbicʼ tahẽnkana.

Jesaea 51:8

ente onko do kicricʼ leka jạrnḍi ṭhenko jom ocokʼa ar tejoko ṭhen do bhiḍikoakʼ upʼ lekako jom ocokʼa. Menkhan ińakʼ dhorom do jaejug hạbicʼ tahenkana; ar ińakʼ babańcao do piṛhike piṛhige.”

Jesaea 32:17

Ar dhorom do suluk reakʼ jo hoyokʼa, ar ona iạte jaejug lạgitʼ khạtirjoma ar bhorsage hijukʼa.

Jobakʼ 5:24

Baḍaekakʼme, amakʼ tạmbu do nirạigea; amakʼ sompotti reakʼ hisạb hataole khan amakʼ do cetʼge baṅ loksan akantama.

Sereńko 34:10

Juạn dhạcri kulkoakʼ do jomakʼ reakʼ ṭonṭa hoyokʼkana, onko do reṅgecʼteko kosṭokʼkana; menkhan okoe Probhu Isorakʼ sana lekako calakʼ onko do bhageakʼte bako ṭonṭakʼa.

Sereńko 34:11

E gidrạko, dela hijukʼpe, ar ińakʼ katha ańjompe; iń doń cetʼapea cetʼ lekate Probhu Isorpe bhoktiaea mente.

Kạhtukko 21:20

Budankoakʼ oṛakʼre do damanakʼ dhon ar mahkaokʼ sunum tahena, menkhan bebuj hoṛ do onae ublạ ḍublạ cabaya.