Sereńko 112:1 - সান্তালী বাইবেল

¹ Probhu Isorakʼ sarhao hoyokʼtae ma. Okoe Probhu Isore botoraekan ar uniyakʼ hukum iạteye rạskạkʼkan uni doe bhạgangea.

Sereńko 112:1 Referans Kwoze

Sereńko 128:1

Bhạgangeako onko do, okoe do Probhu Isorko botorae kan ar uniyakʼ horteko calakʼkan.

Jesaea 50:10

Ape modre okoe Probhu Isore botorae kan, ar uniren gutiyakʼ kathae bataoetʼtaea, ar marsal bạnukʼte ńũtreye taṛametʼkan, uni do Probhu cetanreye pạtiạukʼ ma ar uniren Isor cetanre bhorsa akane tahenma.

Luk 1:50

Ar okoe uniko sewawaekan uni do onkoreye dayakʼ kana, piṛhi cetan piṛhige.

Sereńko 119:35

Amakʼ hukum reakʼ horre ạyurińme, ente iń do onategeń rạskạkʼa.

Sereńko 145:19

Okoe uniko botoraekan onkoakʼ monejoṅakʼ doe purạuetʼtakoa; ar goṛowako lạgitʼ onkoakʼ rakʼ ańjomte onkoe rukhiyạyetʼkoa.

Sereńko 111:10

Probhu Isor botorae do ạkil reakʼ etohopʼ kana; okoe ona lekako kạmi onko do akelko ńama. Probhu Isorakʼ sarhao do jaejug hạbicʼ tahenma.

Romiko lạgitʼ Pạul Apostolakʼ ciṭhi 7:22

Ińakʼ ontor do Isorakʼ ạn-ạrikoteye rạskạkʼ kana;

Sereńko 119:97

Iń do amakʼ hukum ạḍiń dulạṛeda! Ar goṭa dinge onań ganḍonjoṅ kana.

Sereńko 150:1

Probhu Isorakʼge sarhao hoyokʼtae ma. Ape do Isorakʼ sonot ṭhạ̃ire uni sarhaoepe, ar uniyakʼ daṛete benaoakʼ serma hõ uniyakʼe sarhaotae ma.

Sereńko 147:1

Probhuakʼge sarhao hoyokʼtae ma. Aboren Isor oṛhẽ sereńae do bhagegea! Ona do samani mońj! Uni gun manao joharae do lek kangea!

Sereńko 119:143

Gạr ar kosṭo ińre hecʼ paṛao akana, menkhan iń do joto hukumkogeń kusiyakʼ kana.

Sereńko 40:8

E ińren Isor, amakʼ sana leka calakʼge ińakʼ rạskạ do; ar amakʼ sanam hukumko do ińakʼ ontorre menakʼa.”

Romiko lạgitʼ Pạul Apostolakʼ ciṭhi 8:6

Kại okae khojkan ona reakʼ monejoṅakʼ do moron kana, ar sonot Jiu reakʼ khojogokʼ leka senokʼ do jion ar sulukge.

Sereńko 119:16

Amakʼ ạnrege rạskạ doń ńameda; ar amakʼ katha do bạń hiṛiń daṛeakʼ kana.

Sereńko 119:14

Manwa damanakʼ dhone ńam lekhan cetʼlekae rạskạkʼ, onkage amakʼ katha manaote iń doń rạskạkʼ kana.

Sereńko 111:1

Probhu Isorakʼge sarhao hoyokʼtae ma. Iń do ińakʼ goṭa jiwite gun maniń joharae kana, gun manao johariń emaea Isor botoraekanko talare, gun manao johariń emaea jarwa akan hoṛko talare.

Exodus 1:21

Unkin dhạ̃i buḍhi do Isor kin botoraekan tahẽkante uni do onkoren hoponko hotete bõskoe saṅgeketʼkoa.

Dosar Biboron 28:3

“Apeakʼ tahen ṭhạ̃i ar khet-baṛgeko reakʼ jotowakʼ cetanre bhor paṛaokʼa.

1 Rapajko 18:3

Ahab do Obediạye hoho ạgukedea. Nui Obediạ cetanrege raj dolan ńel todarot reakʼ bhar do tahẽkana. Probhu Isor cetanre Obediạ do ạḍi pạtiạu tahẽkantaea.

Sosolhayic̕ 8:12

Kạkại hoṛ mitʼsae bạṛicʼakʼe kạmi ar ḍher dine bahaokʼre hõ ińiń baḍaea Isor botoraekan hoṛ do bhạlại hoyokʼtakoa.