Sereńko 111:4 - সান্তালী বাইবেল

⁴ Uni do acʼakʼ hahaṛa kạmikoe disạ ocokeda; uni do daya ar mãyãteye perecʼgea.

Sereńko 111:4 Referans Kwoze

Jesaea 63:7

Iń do Probhu Isorakʼ dayań lại jạhira ar uniyakʼ sanamakʼ kạmi reakʼ iń sarhaotaea. Acʼakʼ daya ar asambheṛ dulạṛ iạte uni do Israel jạtrenko lạgitʼ ḍher bhạlại reakʼe kạmi akatʼte uni doń sarhaoea.

Sereńko 103:8

Probhu Isor do daya are mãyãwạnicʼ kana; uni do usạrate bae edre hodokʼa, uniyakʼ daya do asambheṛgetaea.

Sereńko 86:5

E Probhu Isor, am do bhạlạiyicʼ arem dayayicʼ kana; ar okoe amko hohoam onkore do dayatem perecʼgea.

Sereńko 145:8

Probhu Isor do daya are mãyãwạnicʼ kana; uni do usạrate bae edre hodokʼa ar uniyakʼ dulạṛ do asambheṛgetaea.

Sereńko 112:4

Okoakʼ ontor khạṭige uni lạgitʼ do ńutre hõ marsalge tahena, ente uni do daya ar mãyãteye perecʼgea are dhoromgea.

Sereńko 78:38

Enhõ uni do mãyãteye perecʼgete onkoakʼ bedhoromakʼkoe ikạketʼtakoa, onko do bae marao giḍiletʼkoa; acʼakʼ edre do ghane ghạṛicʼe dobnaoketʼtaea, uniyakʼ edre do baṅ sarsao rakapʼlena.

Sereńko 86:15

Menkhan E Probhu Isor, am do mãyãte perecʼ dayayicʼ Isor kanam; am do usạrate bam edre hodokʼa, amakʼ asambheṛ dulạṛ ar pạtiạrtetʼ reakʼ mucạtʼtetʼ do bạnukʼa.

1Timothi 1:14

Aboren Probhu Isor do asambheṛe daya akawạdińa ar Jisu Mạsi tulucʼ iń kolom mitʼakante oka biswạs ar dulạṛ menakʼ onae dan akawạdińa.

Dosar Biboron 4:9

“Jiwetʼ jonom sontor akae tahenpe ar ape cetanre nojor dohoype jemon mẽtʼte okape ńelakatʼ ona alope hiṛiń ar apeakʼ ontor khon alope meṭao ocoy. Noako ape do aperen hoponko ar goṛom gidrạkope cetʼakoa.

2 Bõsbudạ 30:9

Probhu Isor ṭhenpe ruạṛ hijukʼ enḍekhan aperen boehako, aperen hopon ar hoponerako okoe doko bondi idiakatʼko onko cetanre daya hecʼakoa. Unre onko do niạ disạmteko ruạṛ hecʼ daṛeakʼa, ente aperen Probhu Isor do daya ar mãyãteye perecʼgea. Uni ṭhenpe ruạṛ hecʼlen khan uni do bae dea giḍikapea.”