Sereńko 110:7 - সান্তালী বাইবেল

⁷ Uni do onkoe laga ńirkoa ar jharna reakʼ dakʼe ńũiya, ar onateye cerṭhakʼte uni doe jitạukʼa.

Sereńko 110:7 Referans Kwoze

Sereńko 27:6

Okoeko bạiriko esetʼ ạcur akadiń unre onko khon ińakʼ manot do arhõ ḍherokʼtińạ; iń do uniyakʼ oṛakʼre ãṭ aṛaṅate aema lekan dãṛẽkoń samaṅa; ar Probhu Isor lạgitʼ iń õṛhẽ sereńa ariń sarhaoea.

Mathae 26:42

Uni do ruạṛ senkate dosar dhao koeketʼteye menkeda, “E Baba, noa bạṭi iń ṭhen khon baṅ ocogokʼ khan begor onań ńũite, enḍekhan amakʼ sana lekage baṛe hoyokʼma.”

1 Patras 1:11

Onkoakʼ ontorre Mạsiren Jiu do laharege gohae emleda je, Mạsi do duk jojom hoyokʼtaea ar ona tayom do ṭhonoke ńama. Nạbiko baḍaejoṅko khojletʼge Mạsiren uni Jiu do oka okte ar oka dosa reakʼ kathae baḍae ocoyetʼkoa mente.

Johan 18:11

Noa iạte Jisu do Patrase metadea, “Tarwaṛe do khapre bhoraokakʼme. Baba oka duk reakʼ bạṭiye emakawạdiń ona do cetʼ bạń ataṅa?”

Luk 24:26

Mạsi do cetʼ noako duk jomkate ṭhonok ńam reakʼ katha baṅ tahẽkantaea?”

Mathae 20:22

Jisui menkeda, “Ape cetʼpe khojkan ona do bape baḍaea. Okaṭakʼ bạṭi reakʼ iń ńũi lạgidokʼkan, ona reakʼ do cetʼ ben ńu daṛeakʼgea?” Metadeakin, “Daṛeakʼ gealiń.”

Jirimiạ 52:31

Jihudạren raj Jehoyakine bondi idi ocokʼre pe gel eae bochorre Ewil Merodak do Babelren raje hoyena. Uni do inạ bochor reakʼ gelbar cando reakʼ bargel mõṛẽakʼ dinre Jehoyakin do hajot khone aṛakʼkedea.

Jirimiạ 23:15

“Ona iạte iń do phạdkoren Probhu Isorren nạbiko reakʼ iń roṛeda, iń do haṛhatʼakʼ jomakʼ ar bis dakʼgeń ńũ ocokoa, ente Jerusalemren nạbiko ṭhen khon do besonotakʼge goṭa disạmre oḍok akana.”

Sereńko 3:3

Menkhan E Probhu Isor, am do beṛhaete ḍhal leka menama. Amge ińakʼ ṭhonok do ar amge ińakʼ bohokʼem rakapʼ ocoakatʼtińạ.

Jobakʼ 21:20

Uni do acʼakʼ mẽtʼte acʼakʼ maraokʼe ńelma; uni do sanam daṛeanicʼakʼ edre baṛeye ńũima.

Sereńko 102:9

Am do ińem giḍi akadińạ; amakʼ ạṛis ar edre iạte iń do bhabnate torocʼ jomte diniń ṭalaoeda; ińakʼ mẽtʼ dakʼ do ńũi dakʼ sãote mitʼ akana.

Bikʼcạrko 15:19

Unre Isor do Lehire mitʼṭen ghaḍlakʼe paṛakʼ ocoketʼte ona khon dakʼ oḍok hecʼena. Ar ona dakʼe ńũketʼ khan Samson do daṛe ńamketʼteye cerṭha ruạṛena. Onate ona jharna reakʼ ńutum do Enhakkore dohokeda (Ona reakʼ mane do “Koejoṅ kạnicʼ reakʼ jharna”). Ar jharna do ńit hõ Lehire menakʼgea.