Sereńko 110:6 - সান্তালী বাইবেল

⁶ Uni do eṭakʼ eṭakʼ jạtrenkoe bicạrkoa; ar dhạrti do gocʼkoakʼ hoṛmoteye pereja; uni do dhạrti reakʼ sanam jaegare bạirikoakʼ bohokʼe gejertakoa.

Sereńko 110:6 Referans Kwoze

Sereńko 68:21

Isor do begor digdhạtege acʼren bạirikoakʼ bohokʼe gejertakoa; ar okoe kạireko jobe akae menakʼko onkoakʼ bohokʼ reakʼ khạpri hõ uni doe gejertakoa.

Johan sodor 19:11

Tayomte iń do serma jhicʼ akan, ar onḍe mitʼṭen ponḍ sadomiń ńelkedea. Ar okoe uni sadomreye decʼakan tahẽkan uniyakʼ ńutum do pạtiạr ar sạriyicʼ. Uni do dhoromteye bicạreda are lạṛhại kana.

Johan 5:22

Baba do okoe hõ bae bicạrkoa, menkhan joto bicạr reakʼ dạyik do Hopone emakawadea,

Mikạ 4:3

Uni do boṅgan hoṛ jạtrenko talareye bicạra ar sạṅgińren daṛean hoṛko talare hok reakʼe chinḍạukatakoa. Onko do akoakʼ tarwaṛe rạputʼkate nahel reakʼ phalko benaojoṅa ar borlom rạputʼkate do datromkoge. Mitʼ jạtrenko do eṭakʼ jạtrenko upạrte tarwaṛe ar bako rakaba; onko do lạṛhại hõ bako lạṛhạiya.

Jesaea 2:4

Uni do boṅgan hoṛ jạtrenko talareye bicạra; ar aema jạtrenko talare hok reakʼe bicạr chinḍạutakoa. Onko do akoakʼ tarwaṛe rạputʼkate nahel reakʼ phalko benaojoṅa ar borlom rạputʼkate do datromkoge. Mitʼ jạtrenko do eṭakʼ jạtrenko upạrte tarwaṛe ar bako rakaba; onko do lạṛhại hõ ar bako lạṛhạiya.

Johan sodor 14:20

Ado nagraha bahrere darkha lelen kunḍre darkha jo len hoyen khan ona khon mãyãm oḍokena ar sadomkoakʼ jhin hạbicʼ rakapʼena. Onate pe sae mail hạbicʼ mãyãm do ạtu oḍokena.

Jesaea 42:4

Dhạrti reakʼ hok bicạr ạuriye purạu hạbicʼ uni do bae laṅgakʼa se bae talga tạuạgokʼa. Ar jalapuri ḍhipkoren hoṛ do uniyakʼ ạnko ńel hor akaeko tahena.”

Habakkuk 3:13

Amren hoṛko bańcaoko lạgitʼ ar amren ojokʼicʼ hoṛ rukhiyạye lạgitʼ am dom oḍok hecʼena. Am do dusṭạmi disạmren mukhiyạm ghạlkedea, ar uniyakʼ disạm do purạtem marao utạrketʼtaea. [Sela]

Jeheskel 39:4

Israel reakʼ buruko cetanre am ar amren sanam lạṛhại phạdko ar am sãote jạtrenko do giḍi akanko tahẽkan. Ar am do gidi ar janwarkoakʼ jomakʼgeń hoyocomea.

Jesaea 66:24

Ar onko do oḍok kate iń upạrteko hulletʼ tahẽkan hoṛkoakʼ mạ̃ṛĩkoko ńela. Onkoren tejoko okoe do gocʼ hoṛakʼ jelko jom onko do bako gujukʼa ar onkoakʼ seṅgel hõ baṅ ĩṛĩjokʼa; ar onko do sanam manwa jạtrenko lạgitʼ hirkhạwanakʼgeko hoyokʼa.

Jesaea 51:5

Ińakʼ dhorom do hecʼ sorakana ar ińakʼ babańcao reakʼ kạmi hõ ehopʼakana. Ińge jạt jạtrenko cetanre dhoromiń bicạra. Ar sạṅgiń disạmren hoṛko do iń secʼ beṅgetʼ akaeko tahena ar ińakʼ daṛeanakʼ sopo ńel hor akaeko tahena.

Jesaea 42:1

Probhu Isore meneda, “Ńelpe, ińren guti, one uniń goṛowae kan; ariń bachao akade ar one unireń kusi akan. Ińren Jiu do unireń dohoyea ar uni do boṅgan hoṛ jạtrenko ṭhen hok reakʼ bicạre lại jạhira.

Jesaea 11:3

Uniyakʼ rạskạ do Probhu Isor botoraege. Uni do mẽtʼte okae ńel ona leka do bae bicạra, se luturte okae ańjom ona leka hõ bae phanḍaoa;

1 Samuel 2:10

Probhu Isorren bạiriko doko chaka chunokʼa, uni do sermare onko upạrteye huḍura; ar dhạrti reakʼ mucạtʼ hạbicʼ uni do hoṛkoe bicạrkoa. Uni do acʼren raje daṛe ocoyea ar acʼren ojokʼ bahalicʼ hoṛ doe jitạu ocoyea.”

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

Sereńko 68:22

Probhu Isore menkeda, “Iń do Bashan disạm khon onkoń ạgukoa; jalapuri reakʼ khạndriyakʼko khoniń rakapʼ ruạṛkoa,