Sereńko 110:2 - সান্তালী বাইবেল

² Amakʼ raj hudạ reakʼ ạidạri Probhu Isor do Sion khone sodor tama; uni doe mena, “Amren bạiriko tala khon am do rajosṭi calaome.”

Sereńko 110:2 Referans Kwoze

Jirimiạ 48:17

Ape okoe do uni beṛhaetepe girobasokʼ kan, ar okoe uniyakʼ ńutum reakʼpe ańjom akatʼ, ape do jotoge uni lạgitʼ homor halaṅpe. Uni metaepe, ‘daṛeanakʼ raj ṭheṅga, ona ṭhonokanakʼ ṭheṅga do cekate rạputʼena?’ ”

Romiko lạgitʼ Pạul Apostolakʼ ciṭhi 1:16

Jisu Mạsi reaṅ noa bhage sombat iạte iń do bạń lajaokʼ kana, ente noa bhage sombat do Isorakʼ daṛe kana one oka hotete uni do sanam biswạsiko kại khone bańcaoko. Pạhilte do Jihudiko, ar ona tayom do boṅgan hoṛ jạtrenkoge.

1 Patras 1:12

Menkhan Isor doe udukʼatʼko tahẽkana je, onko okako kathako menletʼ ona hotete apnar lạgitʼ sapʼsor baṅkate apegeko sapʼsoratʼpe tahẽkana. Serma khon kolocoyicʼ sonot Jiuakʼ ạyurte okoe ape ṭhen Mạsi reaṅ bhage sombatko porcarakatʼ onko do nạbikoakʼ kathage apeko baḍae ocoakatʼpea. Ar serma goḍetko hõ noako reaṅ baḍaejoṅ lạgitʼgeko gagojlena.

1 Thessalonikikko 2:13

Ale do siń sạṭupʼ Isorle gun manao joharae kana, ente Isorakʼ katha ańjomkate tinrepe pạtiạulena unre manwawakʼ katha mente do baṅ, menkhan Isorakʼ katha mentegepe ataṅkeda. Ar sạrige ona do Isorakʼ katha kangea. Ape okoepe pạtiạu akan, apeakʼ ontorrege ona katha doe kạmiyeda.

Mikạ 4:2

Jạt jạtren hoṛko do hecʼkateko mena, “Dela, abo do Probhu Isorakʼ burute bon rakapʼa, Dela, Jakobren Isorakʼ oṛakʼte bon calakʼa. Uni do acʼakʼ hor reaṅe cetʼabona ar abo do uniyakʼ horte bon taṛama.” Onko do noa kathako mena, ente Sion khon do hukum emogokʼa ar Jerusalem khon do Probhu Isorakʼ katha oḍokokʼa.

Jeheskel 47:1

Ona tayom uni do mundil oṛakʼte bolokʼ hor ṭhene ruạṛ ạgukedińa, ariń ńelkeda mundil oṛakʼte bolokʼ hor reakʼ kandha khon dakʼ do purub secʼ ạtu oḍokokʼ kana. Mundil oṛakʼ do purub secʼ samaṅ akan tahẽkana. Ona dakʼ do mundil oṛakʼ reakʼ dạkhin aṛe reakʼ kandha khon pinḍ reakʼ dạkhin aṛete ạtu calakʼkan tahẽkana.

Jeheskel 19:14

Ona reakʼ mul nạ̃ṛĩ khon seṅgel do oḍokena; ar ona reakʼ ḍạr ar jokoe jomkeda. Disạm cakʼlaokoakʼ ṭheṅga lạgitʼ onare mitʼṭecʼ ḍạr hõ baṅ tahelena. “Noa do mitʼṭecʼ homor halaṅ kana; duk reakʼ sereń lekate noa do beoharokʼa.”

Jesaea 2:3

Jạt jạtren hoṛ do hecʼkateko mena, “Dela, abo do Probhu Isorakʼ burute bon rakapʼlenge, dela, Jakobren Isorakʼ oṛakʼte bon calakʼa. Uni do acʼakʼ hor reaṅe cetʼabona ar uniyakʼ horte bon taṛama.” Onko do noa kathako mena, ente Sion khon do hukum emogokʼa ar Jerusalem khon do Probhu Isorakʼ kathage.

Sereńko 72:8

Uniyakʼ rajosṭi reakʼ simạ do mitʼ jalapuri khon eṭakʼ jalapuri hạbicʼ, Uphreṭis gaḍa khon dhạrti reakʼ mucạtʼ hạbicʼ.

Exodus 8:5

Ona tayom Probhu Isor do Moseye metadea, “Aron do noa katham metaea, ‘Misor disạm reakʼ joto gaḍa, nala ar pukhri cetanre amakʼ ṭheṅga tultam ar disạm cetanre roṭe ạgukom.’ ”

Mikạ 7:14

E Probhu Isor, am do ṭheṅgate gukʼpiko leka amren hoṛko ạtińkom. Ente onko do amakʼ palren kangeako. Onko beṛhaete ạtiń ṭạnḍi menakʼre hõ onko do eskarge hahaṅkarreko girobasokʼ kana. Ḍher din lahare cetʼlekako ạtińkan tahẽkan onkage Bason reakʼ Gileadre jemonko ạtiń daṛeakʼ.

Exodus 7:19

Tayomte Probhu Isor do Moseye metadea, “Aron acʼakʼ ṭheṅga hataokate Misor reakʼ sanam gaḍa, nala, pukhri ar jarwa akan dakʼko cetan secʼ ti tiạrkate ạcurem metaea. Onate sanam dakʼ do mãyãmokʼa. Misor disạm reakʼ sanam jaegare mãyãm ńelokʼa; ar dhiri ar kaṭre dohoakatʼ dakʼ hõ mãyãmokʼa.”