Sereńko 11:1 - সান্তালী বাইবেল

¹ Iń do Probhu Isorrege asrayiń hatao akada. Cedakʼpe meneda, “Cẽṛẽ leka uḍạukʼte apeakʼ burute dạṛjoṅpe?”

Sereńko 11:1 Referans Kwoze

Sereńko 56:11

iń do uni cetanregeń bhorsakʼ kana; ar bạń botorokʼa, manwa do cetʼe cekayiń baṅ?

Sereńko 25:2

E ińren Isor, am cetanregeń bhorsa akana, am do lajaore alom paṛao ocoyińạ; ińren bạiriko jemon iń upạrte hulạsokʼ reakʼ ạt aloko ńam.

1 Samuel 23:14

Dạud do hahaṅkar reakʼ buru gaṛkore ar Siph hahaṅkar reakʼ buru ṭoṭhareye tahẽyena. Ar Sạul do dinke din Dạude sendra baṛakedea menkhan Isor do uniyakʼ tire Dạud bae soprotledea.

Luk 13:31

Ona ghuṛire tin uḍicʼ Phạrusiko coṅ Jisu ṭhen hecʼenteko menkeda, “Am do nonḍe khon senjoṅme, ente Herod do gocʼme lạgitʼe menjoṅ kana.”

Kạhtukko 6:5

Sikạriwakʼ ti khon jel hopon leka, laoṭa oḍaoicʼakʼ ti khon cẽṛẽ leka am do paskao oḍokokʼme.

Sereńko 16:1

E Isor, rukhiyạyińme, ente iń do amreń hirlạ akana.

2 Bõsbudạ 16:8

Kusrenko ar Lubiạko do ḍher rãt gạḍiko ar aswariko sudhạge cetʼ bako tahẽkana. Unre am do Probhu Isor cetanre bhorsa akanem tahẽkante uni do amakʼ tireye jimạkatʼkoa.

Sereńko 31:14

Menkhan E Probhu Isor, iń do amregeń hirlạ akana; ariń meneda, “Am kangeam ińren Isor do.”

Sereńko 9:10

Am okoeko baḍae akatʼme onko do amregeko hirlạ joṅma, E Probhu Isor, ente okoe khạndri hạbicʼ baḍaemeko khojkan, onko do tis hõ bam bạgi giḍi akatʼkoa.

Sereńko 7:1

E Probhu, ińren Isor, iń do amregeń hirlạ akana. Ar okoe ińko khudạu edeńkan onkoakʼ ti khon rukhiyạyińme, ar amge bańcaoińme.

2 Bõsbudạ 14:11

Unre Asa do uniren Probhu Isor hohowadeteye metadea, “E Probhu Isor, cetʼleka daṛeankom goṛowako onkage am do nijorko hõm goṛo daṛeakoa. Ona iạte E aleren Probhu Isor, ale goṛowaleme baṛe, ente ale do am cetanrele bhorsakʼkana ar amakʼ ńutumtege noko maraṅ dolrenko upạrtele oḍok hecʼakana. E Probhu Isor, am kangeam aleren Isor do; manwa do am upạrte alom jitạu ocokoa.”

1 Samuel 20:38

Ona tayom uni do ãṭ aṛaṅteye menkeda, “Usạra ńir calakʼme, alom thirokʼa.” Ar koṛa do sar halaṅkate acʼren kisạ̃ṛ ṭhene ruạṛ hecʼena.

1 Samuel 27:1

Dạud do mone monteye hudiskeda, “Iń do Sạulakʼ tirege mitʼdin gujukʼ hoyokʼtińạ, onate Philisṭikoakʼ disạmtege dạṛ pharakokʼ bhage hoyokʼ tińạ. Enḍekhan Israel disạmre uni do ar bae sendra baṛayińạ, ar iń hõ uniyakʼ ti khon rukhiyạń ńama.”

1 Samuel 22:3

Ar Dạud do onḍe khon Moab disạm reakʼ Mispateye senena. Ar Moabren raje metadea, “Isorakʼ sana ińre cetʼkan ona ạuriń baḍae ńam hạbicʼ ińren eṅgạń ar ạpuń do dayakate am ṭhen tahẽ ocowạkinme.”

1 Samuel 19:11

Dạud cetanre nońjor dohoy lạgitʼ Sạul do uniyakʼ oṛakʼte hoṛe kolketʼkoa jemon dosar hilokʼ setakʼre uniye gocʼ daṛeae. Menkhan Dạudren bạhu Mikal do jotowakʼe baḍae ocokedeteye metadea, “Teheń ńindạ bam dạṛ enḍekhan gapage am dom gocʼ ocokʼa.”

Nehemiạ 6:11

Menkhan ińiń metadea, “Iń lekan hoṛ do cetʼ dạdạṛ lek kantińạ? Iń lekan hoṛ do cetʼ jãhãe leka mundilte bolokate jiwetʼe tahẽkokʼa? Iń do bạń calakʼa.”

Sereńko 7:2

Ar baṅkhan onko do dhạcri kul leka jiwiko cirạitińạ; arko kaṭra kuṭrạ cabayińạ, ar iń bańcaoiń lạgitʼ do celege bako tahena.

Jirimiạ 48:14

“Ape do cekatepe meneda, ‘birbao hoṛ kanale, ale do dilan lạṛhại bir kanale?’