Sereńko 109:23 - সান্তালী বাইবেল

²³ Tarasiń bela reakʼ umul lekage iń doń caba hijukʼkana; ar pohoko lekage iń doń oṭaṅ ocoakana.

Sereńko 109:23 Referans Kwoze

Exodus 10:19

Ar onate Probhu Isor do hoeye ạcur ocokeda ar pạchim khon mitʼṭecʼ kajak hoeye ạguketʼte pohokoe oṭaṅ idiketʼkoa ar arakʼ jalapurireye khadlekatʼkoa. Onkate goṭa Misor disạmre ar mitʼṭen poho hõ bako tahẽlena.

Jobakʼ 14:2

Uni do baha lekae saṛokʼkana ar ona tayom doe tolmojokʼa; uni do umul lekae ńir calakʼkana, ar bae tahenkana.

1 Bõsbudạ 29:15

Ale do amakʼ mẽtʼre aleren sanam hapṛamko leka bidisiạ hoṛ kanale. Dhạrtire aleakʼ dinko do umul leka, aleakʼ do jãhãn asge bạnukʼtalea.

Jakob 4:14

Menkhan gapa cetʼ hoyokʼa ona do bape baḍaea. Apeakʼ jionge baṅ cetʼ kan? Kuṛhạkan cope, one oka do thoṛa ghạṛicʼ ńelokʼkan ar ona tayom do chanokʼkan.

Sosolhayic̕ 8:13

Menkhan bedhoromko do Isor bako botoraekante bhạlại do baṅ hoyokʼtakoa ar onkoakʼ bahaokʼ din do umul lekage hoyokʼtakoa.

Sosolhayic̕ 6:12

Manwawakʼ goṭa jionre uni lạgitʼ bhageakʼ do okoeye baḍaea? Uni do acʼakʼ thoṛa ar baṅ tahẽ utạrakʼ dinko umul lekae khemaoeda. Ar uniye sen len khan siń cando latarre oka hoyokʼ ona do okoeye lại daṛekea?

Sereńko 144:4

Manwa ma eken sahẽtʼ leka ar uniyakʼ dinko do umul leka parom calakʼkana.

Exodus 10:13

Unre Mose do Misor disạm cetanre acʼakʼ ṭheṅgae tulkeda; Ar Probhu Isor do ona disạm cetanre goṭa siń ar ńindạ purub reakʼ hoeye kolkeda. Ar setakʼ jokhecʼ ona purub reakʼ hoete jhake jhak pohokoe ạguketʼkoa.

Sereńko 102:12

Men khan E Probhu Isor, am do jaejug amakʼ siṅghạsonre menama; amakʼ ńutum do piṛhike piṛhi hạbicʼ tahena.