Sereńko 109:14 - সান্তালী বাইবেল

¹⁴ Onkoren hapṛamkoakʼ bedhorom reakʼ katha do Probhu Isorakʼ monre tahenma; onkoren eṅgatkoakʼ kại do alo mohor meṭaokʼma.

Sereńko 109:14 Referans Kwoze

Nehemiạ 4:5

Onkoakʼ behokakʼ do alom ikại takoa se amakʼ mẽtʼ samaṅ khon onkoakʼ kại do alom meṭaotakoa, ente okoe pạcriko benaoetʼ onko samaṅrege onko do amko henosta akatʼmea.”

Exodus 20:5

Onako do alom ḍobokʼakʼa, ar sewa hõ alom sewawakʼa, ente iń Probhuge amren Isor do. Iń do ińakʼ paona bhoktiń khojkana. Okoeko kurudạń onkoakʼ kại reakʼ sạjại do onkoren hoponko ṭhen pe pon piṛhi hạbicʼ iń pańja halawako kana.

Jirimiạ 18:23

Menkhan E Probhu Isor, iń gojeń lạgitʼ noako soṛojontro reakʼ katha dom baḍaegea. Onkoakʼ noa behok do alom ikạitakoa se amakʼ mẽtʼãhã samaṅ khon onkoakʼ kại do alom meṭaotakoa. Onko do samaṅregeko tohotʼ gurokʼma; ar amem edrekokʼ jokhecʼge halawakome.

Jesaea 43:25

“Ińge amakʼ ghạṭkoń meṭao akada; iń do amakʼ kạiko bạń disạ dohoytama.

2 Rapajko 11:1

Jihudạren raj Ahasiạren eṅgattetʼ tinreye ńelkeda, acʼren hopon doe gocʼ ocoyena unre uni do Jihudạ rajren sanam hoponkoe gocʼketʼkoa.

2 Rapajko 9:27

Ar okaṭakʼ hoyen ona ńelte Jihudạren Ahasiạ raj do Beth-Hagan reakʼ horteye dạṛkeda. Jihu do uniye khudạu idikedete ãṭ aṛaṅteye menkeda, “Uni hõ gojepe.” Unre hoṛko do Ibleam ṭhen Gur ńutumanakʼ rakabokʼ horre Ahasiạ do acʼakʼ rãt gạḍiregeko ghạlkedea, menkhan uni do Megidatteye dạṛkeda ar onḍegeye gocʼena.

2 Rapajko 8:27

Ahasiạ do Ahabakʼ bõsren hoṛkoakʼ hortegeye taṛametʼ tahẽkana ar onko lekage Probhu Isorakʼ mẽtʼre oka bạṛicʼakʼ kan onageye kạmiyetʼ tahẽkana, ente bapla hotete Ahabakʼ gharońj tulucʼ uniyakʼ jopoṛao do hoylentaea.

2 Samuel 21:1

Dạude rajokʼkan tahẽkanre pe bochor akal hoylena ona do bochorke bochorge. Ona iạte Dạud do Probhu Isor ṭhen niạ reaṅe kuliyana. Ar Probhu Isor do roṛ ruạṛadeteye metadea, “Noa do Sạul ar uniyakʼ bõsrenko iạte hoyakana. Onkoge mãyãm reakʼ dusi kanako; Sạul do Gibeonrenkoe gocʼletʼkoa.”

Levitikus 26:39

Ona tayom aperen okoe onḍeko tahen onko do akoren ar hapṛamkoakʼ dos iạteko caba idikʼa.

Exodus 34:7

Uniyakʼ asambheṛ daya do hajar piṛhi hạbicʼ tahenkana. Uni do behokakʼ, hul ar kạikoe ikạyetʼ kana, menkhan dusiyicʼ doe sạjạiyedea. Uni do apatakʼ ghạṭko onkoren hoponko ṭhen pe pon piṛhi hạbicʼe pańja halayetʼ kana.”