Sereńko 109:12 - সান্তালী বাইবেল

¹² Onko cetanreko dayakʼ nonkan okoe hõ aloko tahenma; onkoren ṭũạr gidrạko cetanre okoe hõ mãyã alo baṛee hecʼakoma.

Sereńko 109:12 Referans Kwoze

Jakob 2:13

ente okoe bae daya akan, bicạrre uni hõ daya do bae ńama. Bicạr cetanre daya doe jitạukʼa.

Luk 6:38

Dan emokʼpe, enḍekhan ape hõpe emocokʼa; ota khacao khacaote, ruku rukute, curu buruateko gochawapea, ente cetʼlekape soṅakoa onkage ape hõko soṅ ruạṛapea.”

Mathae 27:25

Sanamkoko roṛ ruạṛadea, “Ale ar aleren gidrạkoge uniyakʼ mãyãm reakʼ dạyikle hoyokʼa.”

Jesaea 27:11

Ona reakʼ ḍạrko rohoṛlen khan ona do rạputʼ giḍikʼa ar maejiuko do hecʼkate seṅgelre onako khadlea. Noko do mitʼṭen lelha jạtren kanako, onate okoe onkoe benao akatʼko onko cetanre uni do jãhãnakʼ bae mãyãkʼa; onkoren sisirjạuicʼ hõ onkore bae dayakʼa.

Jesaea 13:18

Onko do akʼte juạnkoko gocʼkoa; ar bale gidrạko cetanre bako mãyãkʼa ar gidrạko cetanre hõ bako dayakʼa.

Jesaea 9:17

Onatege Probhu Isor do juạnko hotete bae rạskạkʼ kana, ṭũạr ar rạnḍi maejiuko hõ bae dayawako kana; ente sanamkoge Isor do bako botorae kana arko kharap caba akana, jotoge bạṛicʼ bạṛicʼ kathako roṛeda. Ar niạko hoylenre hõ uniyakʼ edre do baṅ thirokʼtaea; ar ńitokʼ hõ uniyakʼ ti do tulge menakʼtaea.

Jobakʼ 5:4

Uniren hoponko khạtirjoma do bako tahena; onko do bicạr ṭhạ̃irege jotowakʼko ada, onkoren rurukhiyạko do celege bako tahena.