Sereńko 108:6 - সান্তালী বাইবেল

⁶ Amakʼ daṛeanakʼ ti tiyạrte ale baṛe bańcaolem; ińiń hohowamre luturakʼme, jemon am okoeyem dulạṛetʼko onko do bańcaoko ńam.

Sereńko 108:6 Referans Kwoze

Kolossiko lạgitʼ Pạul Apostolakʼ ciṭhi 3:12

Onate Isor okoekoe bachao akawan onko sonotko ar dulạṛiạko lekate mãyãkʼ mon, dulạṛ, mạ̃hir, nindhạn ar soborite apnar sajokʼpe.

Dosar Biboron 33:12

Benjạmin reaṅ uni doe menkeda, “E Probhu Isor okoeyem dulạṛedekan uni do khạtirjoma unireye tahena; ar jao ghuṛi uni doe aḍ dohokaea; uniyakʼ tarenregeye tahena.”

Ephesiko lạgitʼ Pạul Apostolakʼ ciṭhi 1:6

Uni doe nonkaleda jemon acʼren dulạṛiạ Hopon hotete begor damte oka mạhimate perecʼ dayae dan akatʼbon uniyakʼ sarhao hoyokʼtae.

Romiko lạgitʼ Pạul Apostolakʼ ciṭhi 1:7

Rom nagraharen okoeko hoṛ do Isore dulạṛetʼko ar acʼren hoṛ hoyokʼ lạgitʼe hohoakatʼko, onko sanamko ṭhen, metakʼme ape ṭhenge iń do noa ciṭhiń oletʼkana. Aboren Isor Baba ar Probhu Jisu Mạsi doe mãyã apema ar suluke dan apema.

Mathae 17:5

Ado Patras kathae roroṛkan tahẽkanrege mitʼṭecʼ jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniyakʼ ańjomtaepe.”

Mathae 3:17

Unre serma khon mitʼṭen aṛaṅ ańjomena, “Nuige ińren dulạṛiạ Hopon, one unireń kusi akan.”

Jirimiạ 33:3

hohoạńme, ar iń doń roṛ ruạṛama ar nonkan maraṅ ar nonkan danaṅakʼko reaṅ kathań lạiyama one oka do bam baḍaekan.

Jesaea 65:24

Ar iń ạuriko hohoạńrege onkoakʼ iń ańjomtakoa, hẽ, katha roroṛkan tulucʼgeń ańjomtakoa.

Sereńko 54:1

E Isor, amakʼ daṛete bańcaoińme; ar amakʼ maraṅ daṛete chinḍạukạtińme.

1 Rapajko 18:29

Onko do tikin khon tarasiń okte reakʼ janwar samaṅokʼ okte hạbicʼ boktaokʼtegeko tahẽyena. Menkhan jãhãn aṛaṅge bako ńamleda, ar cele hõ bae roṛ ruạṛatʼkoa, ar mone hõ bae moneyatʼkoa.

1 Rapajko 18:24

Ona tayom onko do akoren debotako hohoaea ar iń hõ Probhu Isoriń hohoaea. Ar jãhãege seṅgelteye roṛ ruạṛ abon uni kangeae Isor do.” Niạ katha ańjomkate sanamkoko menkeda, “Am do bhagegem menakada.”

Exodus 15:6

“E Probhu Isor, ektiạrite perecʼ amakʼ ona jojom ti do, hẽ ona jojom ti do bạirikoe chaka chunketʼkoa.

1 Rapajko 18:26

Okoeṭakʼ ḍaṅgra onkoko hataoan uniko getʼ khanḍa khunḍikedete mońjteko tearkedea. Ona tayom onko do setakʼ khon tikin hạbicʼ Bakʼal debotako hohoadea. Ar ãṭ aṛaṅte hohoaeko ehopʼena, “E Bakʼal debota, de roṛ ruạṛaleme baṛe.” Menkhan cetʼ roṛ ruạṛge bako ńamleda. Ar onko do pinḍko beṛahaete enejokʼko ehopʼena.

Sereńko 57:6

Onko do ińakʼ dãṛãn horre jhạliko oḍao akada; santao iạte iń doń dormojlen tahẽkana; onko do ińakʼ horre ghaḍlakʼko layeda, menkhan onko do apnarge onareko khańjokʼkana. (Sela)