Sereńko 107:5 - সান্তালী বাইবেল

⁵ Onko do reṅgecʼ ar tetaṅteko kosṭoyena, ar onate onkoakʼ jiwi do jale thaleyena.

Sereńko 107:5 Referans Kwoze

Rak̕joṅ 2:19

Beretʼme, ar ńindạ reakʼ mimitʼ oktere ragme; Probhu Isor samaṅre amakʼ mon do dakʼ leka dul oḍoktam. Amren gidrạko okoe do reṅgecʼte kulhi reakʼ dobạṭiạkore acetko giticʼ akan, onkoakʼ jiwi bańcao lạgitʼ uni ńutumte amakʼ ti tultam.

Jesaea 44:12

Kamar do mitʼṭecʼ ṭeṅgocʼe benaoeda ar koela seṅgelreye dhipạueda. Uni do hạtuṛte muṭhạne emakʼkana, ar ti reakʼ daṛete onae benaoeda. Onate uni do reṅgejea ar daṛe komaokʼtaea; ar dakʼ begor ńũteye jhin jhinạukʼa.

Jirimiạ 14:18

Bahreteń oḍok calakʼkan khan iń do mạ̃ṛĩkoń ńeleda; ar nagrahateń bolokʼkan khan do akalte kosṭokʼkan hoṛkoń ńeletʼkoa. Naeke ar nạbiko do nonkan disạmreko dãṛãbaṛae kana one ona reaṅ cetʼge bako baḍaekan.’ ”

Exodus 16:3

Onkoko menkeda, “Misor disạmre Probhu Isorakʼ tire cedakʼ baṅ bale gocʼ ocolen. Onḍe do jel reakʼ ṭukucʼ samaṅre dohokate lacʼ bikʼ piṭhạ ar jel le jometʼ tahẽkana. Aben do begor jomte gocʼ ocole lạgitʼ noa hahaṅkarte ben ạguakatʼlea.”

Exodus 17:3

Menkhan hoṛko do dakʼ tetaṅ iạte Mose upạrteko karacʼ kurucʼena arko menkeda, “Dakʼ reakʼ ṭonṭate jemon nonḍele gujukʼ ona lạgitʼge cetʼ ale ar aleren hoponko ar hoponerako ar aleren ạsul janwarko Misor khonem ạguakatʼlea?”

2 Samuel 17:29

dumur rasa, dahe, gotom ar bhiḍikoko ạguketʼkoa. Onko doko hudiskeda, hahaṅkarre onko do reṅgecʼ ar tetaṅteko lorao akana.