Sereńko 107:43 - সান্তালী বাইবেল

⁴³ Okoeye ạkilan hoṛkan uni do ona reaṅe moneyakʼma ar Probhu Isorakʼ asambheṛ dulạṛ reaṅ hõ mońjteye hetawakʼma.

Sereńko 107:43 Referans Kwoze

Hosea 14:9

Ạkilan doe okoekana? Uni do noako reaṅe baḍaema. Probhu Isorakʼ hor do dhorom reakʼ hor kana; dhorom hoṛ do ona hortegeko taṛama, menkhan bedhoromicʼ doe tohotʼ gurokʼa.

Jirimiạ 9:12

Jãhãe nonkan ạkilanicʼ menaea, okoe do onae bujhạu daṛeakʼ? Probhu Isor ṭhen khon ańjomkate okoe ona do eṭakʼkoe baḍae ocodaṛekekoa? Okaṭakʼ disạm do jarkhar iạte hahaṅkar leka roṅgo akan, ar onkate do celege bako paromokʼ kana?

Sereńko 64:9

Unre sanamkoakʼ monre botor caṛhao akoa; ar Isor okaṭakʼe ceka akatʼ onko do onako lại sodora ar ona kathageko moneyakʼa.

Daniel 10:12

Uni do roroṛe ehopʼena, “E Daniel, alom botorokʼa, ente buj ńam lạgitʼ ar amren Isor samaṅre nindhạnokʼ lạgitʼ amakʼ monem lagaoketʼ pạhil hilokʼ khonge amakʼ kathako do ańjom akantama; ar iń do amakʼ kathako iạtegeń hecʼakana.

Jirimiạ 9:24

menkhan jãhãe sarhaokʼe menjoṅ kan khan uni do noa iạteye sarhaokʼma, uni do ińe orom akadińạ, metatʼme uni doe baḍae akadińạ, iń kangeạń Probhu Isor do; ińakʼ dulạṛ do asambheṛgea ar dhạrtire ińakʼ kạmi do dhorom ar sạriyakʼte perecʼgea. Ente iń do noakogeń bạsutakʼkana. Ar iń Probhu Isorge noa katha doń meneda.”

Sereńko 50:23

Okoeyakʼ jionre gun manao joharge uniyakʼ dãṛẽkan unige iń doe manot edeńkana; ar okoe ińakʼ horteye calakʼkan uni doń bańcaoea”

Jesaea 5:12

Onkoakʼ bhojre do peṛesaṅ ar binạ banam, kortal, tiriyạ ar darkha rasa tahenkana; menkhan Probhu Isorakʼ kạmi reakʼ do cetʼge bako moneyakʼ kana, ar uniyakʼ ti teakʼ kạmi reakʼ hõ bako ńeletʼkana.

Sereńko 28:5

Probhu Isorakʼ ti okae kạmi akatʼ onko do ona reakʼ bako hetawakʼkana, onatege uni do onkoe marao giḍikoa, ar bae benao rakapʼkoa.

Jesaea 42:20

Am do ḍherem ńel akatʼre hõ bam moneyakʼ kana; ar lutur jhicʼgetamre hõ jãhãnakʼ bam ańjomeda.”

Jirimiạ 9:11

Probhu Isore meneda, “Jerusalem do mitʼṭecʼ dhaṅdhaserakʼ ar toyokoakʼ tahen lạgitʼ bhugạkʼgeń hoeocoya. Ar Jihudạ nagrahako do nonkań dhaṅdhasera, onḍe do ar okoehõ bako girobasokʼa.”

Daniel 12:10

Ḍherkoge, sapha, niphuṭ arko khạṭi ocokʼa, menkhan dusṭạmi hoṛ do bedhorom iditegeko tahena. Dusṭạmiko do celege bako bujhạu daṛeakoa, menkhan ạkilanko doko bujhạu daṛeakogea.