Sereńko 107:22 - সান্তালী বাইবেল

²² Onko do gun manaoren dãṛẽkoko dãṛẽkoma, ar rạskạ sereńte uniyakʼ sanam kạmi reakʼ kathako lại jạhirma.

Sereńko 107:22 Referans Kwoze

Sereńko 50:14

Isor ṭhen amakʼ gun manao joharge amakʼ dãṛẽ do hoyokʼtam ma; ar uni maraṅ utạricʼ ṭhenge amakʼ moneyakʼko hõ purạume.

Sereńko 118:17

Iń do bạń gujukʼa, jiwetʼgeń tahena, ar Probhu Isor okae kạmi akatʼ onań lại jạhira.

Sereńko 9:11

Probhu Isor do Sionre menaea; ape do unige õṛhẽ sereńaepe. Ar uni okae kạmiakatʼ ona do eṭakʼ jạtrenko ṭhen lại sodorpe;

Ibriko 13:15

Onate delabon, Mạsi hotete Isor ṭhen sarhao reakʼ samaṅokʼakʼ jaoge bon samaṅma, metakʼme Isorren hoṛ mente okoe apnarteko aṅgocetʼkan onko do akoakʼ mocate Isorko gun manao joharae ma.

Sereńko 116:17

Iń do am lạgitʼge gun manaoren dãṛẽń samaṅama ar amakʼ sarhao iń lại sodora.

Sereńko 73:28

Menkhan Isor tulucʼ iń tahen do bhạlạige; Probhu Isor do ińakʼ aotan gaṛiń hoyoco akadea, jemon uniyakʼ sanam kạmi reakʼ kathań porcar daṛeakʼ.

Levitikus 7:12

Jãhãege sulukren samaṅokʼakʼ Probhu Isor ńutumte gunmanao emaeye menetʼ khan uni do noa gun makʼnao samaṅokʼakʼ sãote sunumre mesalakʼ bin khạmiyanakʼ piṭhạ, sunum ojokʼakʼ bin khạmiyanakʼ thapṛa piṭhạ ar sunumre sipiyakʼ mĩhĩ holoṅ reakʼ piṭhạ,

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.

Jesaea 12:4

Ape do enhilokʼpe mena, “Probhu Isor sarhaoepe, ar uniyakʼ gun reakʼ katha lại pasnaope; uni okae ceka akatʼ ona do sanam jạtrenko baḍae ocokope ar lại pasnaope, uni doe maraṅ utạricʼ kana.

Sereńko 116:12

Ar Probhu Isor okaṭakʼe bhạlại akadiń ona bodolte cetʼ iń emaea?

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Sereńko 9:15

Eṭakʼ jạtrenko do apnarko la akatʼ ghaḍlakʼregeko khańjokʼ kana; ar akoko oḍao akatʼ jhạliregeko jhạlikʼ kana.

Sereńko 27:6

Okoeko bạiriko esetʼ ạcur akadiń unre onko khon ińakʼ manot do arhõ ḍherokʼtińạ; iń do uniyakʼ oṛakʼre ãṭ aṛaṅate aema lekan dãṛẽkoń samaṅa; ar Probhu Isor lạgitʼ iń õṛhẽ sereńa ariń sarhaoea.