Sereńko 107:1 - সান্তালী বাইবেল

¹ “Probhu Isor sarhaoepe, ente uni doe bhagegea; ar uniyakʼ daya do jaejug hạbicʼ tahenkana.”

Sereńko 107:1 Referans Kwoze

Sereńko 106:1

Probhu Isorakʼge sarhao hoyokʼtae ma. Ape do Probhu Isor gunmanao joharaepe, ente uni doe bhagegea; ar uniyakʼ daya do jaejug hạbicʼ tahenkana.

1 Bõsbudạ 16:34

Probhu Isorge gunmanao joharaepe, ente uni doe bhagegea; ar uniyakʼ daya do jaejug hạbicʼ tahẽ akae tahenkana.

2 Bõsbudạ 7:3

Seṅgel pheḍ hijukʼko ńelketʼte ar koejoṅ oṛakʼ coṭre Probhu Isorakʼ ṭhonokko ńelketʼte sanam Israelko do dhirite tol akatʼ racareko ombakʼente Probhu Isorko ḍobokʼadea ar niạ menkateko sarhaokedea, “Uni doe bhạgangea; uniyakʼ daya do jaejug hạbicʼ tahenkana.”

Sereńko 105:1

Probhu Isorge gun manao joharaepe, ar uniyakʼ ńutum dohaeakʼpe; uniyakʼ kạmi reakʼ katha eṭakʼ jạtrenko baḍae ocokope.

Sereńko 100:5

Probhu Isor doe bhạlạiyicʼkana, uniyakʼ dulạṛ do jaejug hạbicʼ tahenkana; ar uniyakʼ pạtiạr do piṛhi cetan piṛhige.

Sereńko 118:1

Probhu Isor sarhaoepe, ente uni doe bhagegea; uniyakʼ daya do jaejug hạbicʼ tahẽnkana.

2 Bõsbudạ 7:6

Naekeko do akoakʼ ṭhạ̃ireko teṅgoyena ar Liwiko hõ Probhu Isor ńutumte banam ar rui lạgitʼ akoakʼ jaegareko teṅgoyena. Ar naekeko ar Liwiko do samna sạmniko teṅgoyente sakwako oroṅkeda ar sanam Israelko doko teṅgo tahẽyena. Liwikoakʼ niạ banam ar ruruwakʼko Dạud raj do Probhu Isor sarhaoe lạgitʼe benao ocoleda ar onakoe banam are ruyetʼ tahẽkana ar Probhu Isor sarhaoateye menetʼ tahẽkana, “Uniyakʼ dulạṛ do jaejug hạbicʼ tahenkana.”

Luk 1:50

Ar okoe uniko sewawaekan uni do onkoreye dayakʼ kana, piṛhi cetan piṛhige.

Sereńko 103:17

Menkhan okoe do Probhu Isorko sewawae kan ar uniyakʼ bondobosko manaoetʼkan ar ona reakʼ niạm leka calakʼko menetʼkan onko cetanre uniyakʼ dulạṛ ar pạtiạr do jaejug hạbicʼ piṛhike piṛhi tahena.

2 Bõsbudạ 20:21

Jehosaphat do hoṛko sãoteye sopolhaketʼte Probhu Isor ńutumte sereń ar uniyakʼ ṭhonokte perecʼ sonottetʼ sarhaotae lạgitʼ hoṛkoe bahalketʼkoa jemon onko do lạṛhại phạdko laha lahate niạ kathako roṛ idi, “Probhu Isor sarhaoepe, ente uniyakʼ daya do jaejug hạbicʼkana.”

1 Bõsbudạ 16:41

Onko sãote Hemon ar Jiduthon ar sarecʼ hoṛko tahẽkana, ar okoekoakʼ ńutum roṛ rakapʼkate bachao hoylena jemon onko do Probhu Isorakʼ jaejug hạbicʼ daya lạgitʼ uniko sarhao daṛeae.

Sereńko 119:68

Am dom bhagegea arem bhạlạiyetʼa; amakʼ ạnko baṛe cetʼạńme.

Mathae 19:17

Jisu do uniye metadea, “Bhageakʼ reaṅ do cedakʼem kuliyediń kana? Ente mitʼ goṭengeae bhageicʼ do. Am do jaejug jionte bolokʼem menetʼ khan enḍekhan uniyakʼ sanam hukumko dohoyme.”