Sereńko 106:8 - সান্তালী বাইবেল

⁸ Enhõ uni do acʼakʼ ńutum khạtirte acʼakʼ maraṅ daṛe sodor lạgitʼe bańcaoketʼkoa.

Sereńko 106:8 Referans Kwoze

Jeheskel 20:9

Menkhan ińakʼ ńutum rukhiyại tiń lạgitʼ ona do bạń onka akada, jemon okoe jạtrenko talareko girobasokʼ kan tahẽkan onko ṭhen ińakʼ ńutum besonotakʼ alo hoyokʼ. Misor disạm khon Israelko oḍok ạgukate onko jạtrenkoakʼ mẽtʼ samaṅre Israelko ṭhen ińtetʼ geń sodorena.

Exodus 9:16

Menkhan am do jiwetʼ iń dohomea jemon ińakʼ daṛeń udukʼ daṛeam ar goṭa dhạrtire ińakʼ ńutum lại pasnaokʼtiń.

Jeheskel 20:14

Menkhan ińakʼ ńutum rukhiyại tiń lạgitʼ iń do ona bạń onkaleda, jemon okoe jạtrenko samaṅre onkoń oḍok giḍiletʼko onko ṭhen ińakʼ ńutum besonotakʼ alo hoyokʼtiń.

Romiko lạgitʼ Pạul Apostolakʼ ciṭhi 9:17

Sonot sostorre Isor do Pharao noa kathae metade tahẽkana, “Amiń raj akatʼmea jemon am hotete ińakʼ daṛeń udug ar goṭa dhạrtire jemon ińakʼ ńutum lại pasnaokʼ.”

Jeheskel 20:44

E Israelko, iń do apeakʼ bạṛicʼ colon ar bạṛicʼ kạmi lekate ape sãote do bạń beohara, menkhan ińakʼ ńutum rukhiyại tiń lạgitʼ ape sãote bhageń beohara. Ar unrepe baḍae daṛeakʼa, iń kangeạń Probhu Isor do.’ Iń Probhu Isorge noa katha doń meneda.”

Jeheskel 20:22

Menkhan ińakʼ ti doń ocokʼketʼtińạ ar ińakʼ ńutum rukhiyại lạgitʼ ona do bạń onkaleda jemon sanam jạtrenko samaṅre onkoń oḍok ạguletʼko tahẽkan onko ṭhen ińakʼ ńutum do besonotakʼ alo hoyokʼ.

Jirimiạ 14:21

Amakʼ ńutum rukhiyạitam lạgitʼ ale secʼ khon mẽtʼãhã do alom ạcurtama; amakʼ ṭhonokanakʼ siṅghạson reakʼ ṭhạ̃i do alom bemanot ocoya. Ale lạgitʼem bondobos akatʼ katha reakʼ baṛe disạime; ona do alogem bạtil giḍikakʼa.

Josuạ 7:9

Kananiko ar niạ disạmren eṭakʼ hoṛko niạ katha ańjomkate aleko gherao esetʼlea ar dhạrti khon aleakʼ ńutumko meṭao utạrtalea. Ar inạ tayom do cekate amakʼ ńutumem rukhiyại tama?”

Exodus 15:6

“E Probhu Isor, ektiạrite perecʼ amakʼ ona jojom ti do, hẽ ona jojom ti do bạirikoe chaka chunketʼkoa.

Jirimiạ 14:7

E Probhu Isor, aleakʼ kại do ale upạrteye gohayetʼre hõ enhõ amakʼ ńutum iạte jãhãnakʼ baṛe cekawaleme. Ale do ḍher dhao bạṛicʼ hortele sen akana; ar am upạrtele kại akada.

Sereńko 143:11

E Probhu Isor, amakʼ ńutum iạte nãwã daṛe baṛe danạńme; ar amakʼ dhorom iạte gạr khon bańcaoińme.

Sereńko 111:6

Eṭakʼ jạtrenkoakʼ disạm do ạidạri lekate acʼren hoṛko acʼakʼ kạmi reakʼ daṛeye udukʼatʼkoa.

Exodus 18:8

Probhu Isor do Israelko secʼ tahẽkate Pharao ar Misriko cetanre okae cekaketʼ ona jotowakʼ hońhartetʼe baḍae ocokedea. Ar calakʼ horre akoakʼ kosṭo reakʼ katha ar Isor cetʼlekae bańcaoketʼko ona hõe baḍae ocokedea.

Josuạ 4:24

Uni do noae kạmikeda jemon dhạrtiren sanam jạtrenko baḍae daṛeakʼ, Probhu Isorakʼ ti do daṛeangea ar jao ghuṛi jemon aperen Probhu Isorpe botorae.”

1 Samuel 12:22

Probhu Isor do acʼakʼ maraṅ ńutum iạte acʼren hoṛko tisge bae bạgi daṛeakoa, ente uni do acʼakʼ sanatege acʼren hoṛe hoyocoakatʼpea.

Sereńko 23:3

Uni do nãwã daṛeye emạń kana; ar acʼakʼ ńutum iạte dhorom horteye sotokʼ idiyedeń kana.

Jesaea 48:9

Ińakʼ ńutum iạte ińakʼ edreń bilom ocoyeda; ar ińakʼ sabasi lạgitʼ ona doń sambṛaoa jemon aloń marao giḍipe.