Sereńko 106:5 - সান্তালী বাইবেল

⁵ Jemon amem bachao akawan hoṛkoakʼ bhạlạiyiń ńel daṛeakʼ, ar jạtrenkoakʼ rạskạ sãoteń rạskạ daṛeakʼ, ar okoe do amren ạidạrikanko ona reakʼ hĩs lekateń sarhao daṛekokʼ.

Sereńko 106:5 Referans Kwoze

Sereńko 105:43

Rạskạ ar rạskạ sereń sãote acʼren bachao akan hoṛko uni doe oḍok ạguketʼkoa.

Ephesiko lạgitʼ Pạul Apostolakʼ ciṭhi 1:18

Iń do arhõń koeyeda apeakʼ ontor reakʼ mẽtʼ baṛe jhijokʼtape, jemon uniye hohowapere apeakʼ ontorre okape as akan onape bujhạu daṛeakʼ; ar ona sãote noa hõ jemonpe bujhạu daṛeakʼ je, uni ṭhen uniren hoṛko do tinạkʼ maraṅ dhon kanako ar okoeko bon pạtiạu akan aboakʼ ontorre uniyakʼ tinạkʼ maraṅ daṛe kạmiye kạmikana mente. Noa do inạ mitʼ maraṅ daṛege,

Johan 15:16

Ape do bape bachao akadińạ, menkhan ińgeń bachao akatʼpete kạmireń dhurạu akatʼpea jemon apeakʼ jionrepe jokʼ ar ona jo do jemon tahẽ akae tahentape. Enḍekhan iń ńutumte Baba ṭhen jãhãnakʼgepe koe uni do onageye emapea.

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Sephaniạ 3:14

E Sion kuṛi, ma sereńme; E Israel, ãṭ aṛaṅte hohoeme; E Jerusalemren kuṛi, am do kusikʼme ar amakʼ goṭa ontorte rạskạkʼme.

Jesaea 66:10

Ape okoe Jerusalempe dulạṛetʼ ape do uni tulucʼ rạskạkʼpe, ar uni iạte hulạsokʼpe; ape okoe uni iạtepe dukokʼkan ape do uni tulucʼ rạskạkʼpe.

Jesaea 12:6

E Sionren hoṛko, ape do andoṛpe ar rạskạte sereńpe, ente Israelren uni sonoticʼ do maraṅgeae ape talare.”

Sereńko 1:3

Uni do ạtukʼ dakʼ aṛere rohoe akan dare leka kanae, one ona do okte nạpitre jokʼkan, ar ona reakʼ sakamko hõ baṅ tolmojokʼ; uni do jotowakʼ kạmiregeye jo bahakʼkana.

Johan sodor 17:14

Onko do Bheḍa Hopon upạrteko lạṛhạiya ar Bheḍa Hopon do onkoe bhagaokoa, ente uni do Probhukoren Probhu ar raj koren raj kanae. Ar okoeko hoho ocoakan arko bachao ocoakan ar okoe doko pạtiạrkokan onkoge uni tulucʼko tahena.”

2 Thessalonikiko 2:13

Probhu Isorre dulạṛiạ boehako, ape ńutumte jaoge Isor gun manao joharae lek kantalea, ente kại khon bańcao ńam lạgitʼ Isor do pạhil khongeye bachao dohoakatʼpea. Sonot Jiu hotete Isor lạgitʼe begar doho akatʼpete ar bhage sombat reakʼ sạriyakʼre apeakʼ biswạs hotete kại khon bańcaope ńamakada.

Philipiko lạgitʼ Pạul apostolakʼ ciṭhi 3:3

Abo kangeabon sạriyakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

Ephesiko lạgitʼ Pạul Apostolakʼ ciṭhi 1:4

Isorakʼ mẽtʼãhã samaṅre sonot ar niphuṭko jemon bon hoyokʼ onate Isor do dhạrti ạuriye sirjạurege Mạsi hoteteye bachao akatʼbon tahẽkana. Uni do acʼakʼ dulạṛ ar kusite apnarakʼ monejoṅ leka laharegeye ṭhik dohoakatʼ tahẽkana, Jisu Mạsi hotete acʼren hoponko lekateye ataṅ bona mente.

Johan 16:22

Onkage ape hõ ńitokʼ do haron ar kosṭope ńameda; menkhan arhõ apeko sãoteń ńapamokʼa unre apeakʼ mon do rạskạte perejokʼa ar ona rạskạ do okoe hõ bako recʼ daṛeapea.

Joel 2:23

E Sionren hoṛko, ma kusikokʼpe, aperen Probhu Isor iạte rạskạkʼpe, ente uniyakʼ dhorom iạte uni do laha dakʼe emapekana. Uni do ape lạgitʼ asecʼ tasecʼ dakʼe emokʼkana, pạhil lekage uni do laha ar tayom dakʼe emapekana.

Jesaea 45:25

Ińrege Israelren sanam bõsko do bin dusạn menteko sạbudokʼa ar ińko sarhaoińạ.”

Jesaea 35:10

Probhu Isorren chaḍao hoṛ doko ruạṛ hijukʼa. Onko do rạskạ sereń sereńte Sionteko bolokʼa; onkoakʼ bohokʼ reakʼ mukuṭ do jaejug reakʼ rạskạge hoyokʼtakoa. Onko do kusi ar rạskạte onako ńama, unre duk ar kũhrạukʼ dokin dạṛjoṅa.

Sereńko 118:15

Dhorom hoṛkoakʼ oṛakʼre bańcaokʼ reakʼ rạskạ ańjomokʼkana; Probhu Isorakʼ daṛeanakʼ ti do bhageakʼe kạmiakada.

Sereńko 48:11

Amakʼ dhorom bicạr iạte Sion buru doe kusikʼma ar Jihudạ reakʼ atoko do rạskạte perejokʼma.

Sereńko 14:7

Israelkoakʼ babańcao do Sion khonge hijukʼa; Probhu Isor do tinre acʼren hoṛkoakʼ dosae ruạṛkatakoa unre Jakob bõskoren doko rạskạkʼa, ar Israelko hõko kusikʼa.

Dosar Biboron 7:6

Ente ape do nonkan mitʼṭen jạtrenko kanape aperen Isor ńutumtepe begar doho ocoakana. Ape do jemon Probhu Isorren hoṛ ar uniren sompottipe hoyokʼtae onate dhạrtiren sanam jạtrenko tala khone bachao akatʼpea.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Jakob 2:5

E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛede kan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiyạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

Aposkạmi 9:15

Menkhan Probhu Isor do Ananiạse metadea, “Do calakʼme, ente boṅgan hoṛ jạtrenko ar onkoren rajko ar Israelko ṭhen porcar lạgitʼ, iń do uni hoṛgeń bachao akadea.”

Dosar Biboron 32:9

Probhu Isorakʼ bakhra do acʼren hoṛkoge; ar Jakob doe Israel jạtena acʼakʼ ạidạri bakhra.

2 Samuel 20:19

Ale do Israelko talare ale do sulukokʼ ar pạtiạranko kanale. Am do Israelko tala reakʼ gogo lekan nagraha marao giḍikakʼ do cedakʼem khojkana. Probhu Isorakʼ sompotti ar Israelko do cedakʼ utʼko reakʼ dom kurumuṭu kana?”