Sereńko 106:41 - সান্তালী বাইবেল

⁴¹ Uni do eṭakʼ jạtrenkoakʼ tireye soprotkatʼkoa; ar onkoko kurudakokan hoṛ do onko cetanreko mạlikena.

Sereńko 106:41 Referans Kwoze

Bikʼcạrko 2:14

Ona iạte Probhu Isor do Israelko luluṭkoakʼ tireye jimạyetʼko tahẽkana. Onko do onkoakʼ jiniskoko luṭetʼ tahẽkana. Uni do onkoren beṛhaeten bạiriakʼ tireye jimạyetʼko tahẽkana, ar onate bạiriko upạrte bako teṅgo daṛeakʼkan tahẽkana.

Bikʼcạrko 3:12

Israel hoponko do Probhu Isorakʼ mẽtʼre oka bạṛicʼakʼkan onage arhõ kạmiko ehopʼena. Onate Probhu Isor do Israel hoponko upạrte Moabren Eglon raje daṛe ocokedea.

Bikʼcạrko 3:8

Ona iạte Probhu Isor do Israelko cetanreye edre seṅgelena ar Aram-Nahrayimren raj Kusan-Risithayimakʼ tire onkoe jimạketʼkoa. Ar onko do irạl bochor uni tabereko tahẽyena.

Dosar Biboron 32:30

Mitʼ hoṛ do cekate hajar hoṛkoe lagakoa, ar bar hoṛ ńelte cekate gel hajar hoṛko ńir pharakokʼa, onkoakʼ asray buru bạirikoakʼ tire onko bae ạkhrińleko khan, ar Probhu Isor hõ bạirikoakʼ tire onko bae soprot leko khan?

Dosar Biboron 28:33

Bin oprom jạtren hoṛko do apeakʼ jumi reakʼ phosol ar apeakʼ khaṭaoakʼ reakʼ kuṛạiko joma ar ape do jiwetʼ jonompe santao ocokʼa.

Dosar Biboron 28:29

Kãṛã hoṛ ńutre cetʼ lekae ṭạmḍạu baṛae onkage ape hõ sińrepe ṭạmḍạu baṛaea; ar jãhãnakʼ kạmirege bape jo-bahakʼa. Ape do jaoge santao arpe luṭ ocokʼa; ar ona khon bańcaope lạgitʼ celege bako tahena.

Dosar Biboron 28:25

“Probhu Isorgeye nonkaea jemon ape do aperen bạiriko samaṅrepe bhagao ocokʼ. Ape do mitʼ horte jhãpe ema menkhan onko do eae horteko dạṛ pạnḍuja. Dhạrtiren eṭakʼ sanam rajosṭiren hoṛ do apeakʼ halot ńelte botorteko keklesedokʼa.

Bikʼcạrko 3:14

Israelko do gel irạl bochor Moab raj Eglonakʼ tabereko tahẽyena.

Bikʼcạrko 15:11

Unre Jihudạren pe hajar hoṛ do Etam dhiri huṭupʼ reakʼ ciritʼ ṭhen senkate Samsonko metadea, “Philisṭikoko bicạretʼ bon kan ona do cetʼ bam baḍaekana? Alere noa do cetʼem ceka akatʼa? ” Samsone roṛ ruạṛatʼkoa, “Ińre okako ceka akatʼ iń hõ onko cetanreń onka akada.”

2 Samuel 24:14

Unre Dạud do Gade metadea, “Iń do ạḍi muhinreń paṛao akana. Manwa tire jemon aloń paṛaokʼ; ona khon boroṅ, Probhu Isorakʼ tire bon paṛaokʼma, ente uniyakʼ daya do asambheṛgetaea.”

Jeheskel 16:27

Ona iạte iń do am upạrte ińakʼ tiyiń tiyạrketʼte amakʼ sompottiń ạdhi akatʼtama. Amren bạiriko, metakʼme Philisṭikoren hoponerako, okoe do amakʼ hirkhạwakʼ sobhab iạtem lajao ocoakan onkoakʼ tireń soprot akatʼmea.