Sereńko 106:1 - সান্তালী বাইবেল

¹ Probhu Isorakʼge sarhao hoyokʼtae ma. Ape do Probhu Isor gunmanao joharaepe, ente uni doe bhagegea; ar uniyakʼ daya do jaejug hạbicʼ tahenkana.

Sereńko 106:1 Referans Kwoze

1 Thessalonikikko 5:18

jotowakʼre Isor gun manao joharaepe; ente Jisu Mạsi hotete ape lạgitʼ Isorakʼ monejoṅakʼ do nonka kangea.

Sereńko 105:1

Probhu Isorge gun manao joharaepe, ar uniyakʼ ńutum dohaeakʼpe; uniyakʼ kạmi reakʼ katha eṭakʼ jạtrenko baḍae ocokope.

1 Bõsbudạ 16:34

Probhu Isorge gunmanao joharaepe, ente uni doe bhagegea; ar uniyakʼ daya do jaejug hạbicʼ tahẽ akae tahenkana.

Sereńko 136:1

Probhu Isor gun manao joharaepe, ente uni doe bhagegea; uniyakʼ dulạṛ do jaejuggetaea.

Sereńko 118:1

Probhu Isor sarhaoepe, ente uni doe bhagegea; uniyakʼ daya do jaejug hạbicʼ tahẽnkana.

Sereńko 105:45

Jemon onko do uniyakʼ niạmko manao ar uniyakʼ ạn lekako calao daṛeakʼ. Probhu Isorakʼge sarhao hoyokʼtae ma.

Sereńko 107:1

“Probhu Isor sarhaoepe, ente uni doe bhagegea; ar uniyakʼ daya do jaejug hạbicʼ tahenkana.”

Esra 3:11

Onko do Probhu Isorakʼ sarhao ar ṭhonok reakʼ sereń sereńteko menkeda, “Uni doe bhạlạyạnicʼ kana, Israelko cetanre uniyakʼ daya do jaejug hạbicʼ tahenkana.” Probhu Isorakʼ oṛakʼ reakʼ rehetʼ bạisạuen khan sanam hoṛko do ãṭ aṛaṅte Probhu Isorko sarhaokedea.

Mathae 19:17

Jisu do uniye metadea, “Bhageakʼ reaṅ do cedakʼem kuliyediń kana? Ente mitʼ goṭengeae bhageicʼ do. Am do jaejug jionte bolokʼem menetʼ khan enḍekhan uniyakʼ sanam hukumko dohoyme.”

Sereńko 119:68

Am dom bhagegea arem bhạlạiyetʼa; amakʼ ạnko baṛe cetʼạńme.

Sereńko 103:17

Menkhan okoe do Probhu Isorko sewawae kan ar uniyakʼ bondobosko manaoetʼkan ar ona reakʼ niạm leka calakʼko menetʼkan onko cetanre uniyakʼ dulạṛ ar pạtiạr do jaejug hạbicʼ piṛhike piṛhi tahena.

1 Bõsbudạ 16:41

Onko sãote Hemon ar Jiduthon ar sarecʼ hoṛko tahẽkana, ar okoekoakʼ ńutum roṛ rakapʼkate bachao hoylena jemon onko do Probhu Isorakʼ jaejug hạbicʼ daya lạgitʼ uniko sarhao daṛeae.

Sereńko 135:3

Probhu Isor sarhaoepe, ente uni doe bhagegea; uniyakʼ ńutum õṛhẽtaepe, ente ona do ạḍi bhagegea.