Sereńko 105:8 - সান্তালী বাইবেল

⁸ Okaṭakʼ katha reakʼ hukum uni do hajar hajar bõsrenko lạgitʼe emlen, uniyakʼ ona bondobos reakʼ katha uni do jaejug hạbicʼe disạ dohoya.

Sereńko 105:8 Referans Kwoze

Dosar Biboron 7:9

Onate baḍae dohokakʼpe, aperen Probhu kangea Isor do. Uni doe pạtiạrangea; okoe uniko dulạṛe ar uniyakʼ hukumko manao onko lạgitʼ uni okae bondobos akatʼ ona do hajar piṛhi hạbicʼe rukhiyạyea ar onkoe dulạṛkoa.

Sereńko 111:5

Acʼ botoraekanko do jomakʼe jogaoako kana; ar acʼe dohoakatʼ bondobos do tisge bae hiṛińa.

Sereńko 106:45

Onko lạgitʼ acʼe dohoakatʼ bondobos reakʼ kathae disạkeda; ar acʼakʼ asambheṛ dulạṛ lekate onkoreye mãyãyena.

Sereńko 105:42

Acʼren golam Abraham ṭhen oka sonot gokʼakʼe doholetʼ onae disạkeda.

1 Bõsbudạ 16:15

Ar okaṭakʼ katha reakʼ hukume emakatʼ hajar hajar bõsrenko lạgitʼ, uniyakʼ ona bondobos reakʼ katha jaejug hạbicʼ baṛe disạ dohoype.

Daniel 9:4

Ińren Isor Probhu ṭheniń koejoṅana ar kại aṅgockateń menkeda, “E Probhu, am do maraṅ ar botoricʼ Isor kanam. Am do bondobos ar daya onko tulucʼem dohoyeda okoe do amko dulạṛetʼme ar amakʼ hukumko dohoyetʼtam.

Sereńko 111:9

Acʼren hoṛko lạgitʼ uni do chakʼḍaoko reakʼ bondobose dohoakada; uni do hukumte jaejug hạbicʼ acʼakʼ bondobose dohoakada. Uni doe sonotgea; uni do botor ar bhoktiye janam ocoyeda.

Nehemiạ 1:5

Ona tayomiń menkeda, “E sermaren Probhu Isor, am dom maraṅ ar botoranicʼ Isor kana, okoe do amko dulạṛetʼme ar amakʼ hukumko senakʼkan onko lạgitʼ do jaejug dulạṛ reakʼ bondobosem rukhiyạ dohoyeda.

Genesis 17:7

Noa bondobos do eken am ar iń talare tahena ona do baṅ; ona do amren hoponko ar ińre piṛhike piṛhi hạbicʼ calakʼa. Noa do hoyokʼa jaejug reakʼ bondobosge. Niạ bondobos do amakʼ ar am tayom bõsren hoṛkoren hõ Isoriń hoyena.

Genesis 26:3

Ńitokʼ noa disạmre thoṛa din lạgitʼ tahẽ hataṛokʼme. Ar iń do am sãote tahẽkate amiń bhorama. Noako disạm do am ar am bõsren hoṛkoń emakoa. Ona chaḍa iń do amren baba Abraham ṭhen okań kiriạlen ona hõń disạ dohoya.

Exodus 2:24

Isor do onkoakʼ rakʼe ańjomketʼtakote Abraham, Isahak ar Jakob lạgitʼ okaṭakʼ bondobose doholetʼ ona kathae disạkeda.

Dosar Biboron 7:8

Uni doe onka akada apere uniyakʼ dulạṛ iạte ar aperen hapṛamko ṭhene kiriạlen iạte. Ar onate uni do acʼakʼ daṛeanakʼ titeye oḍok ạguakatʼpea ar Misorren Pharao rajakʼ ti khon ar golam oṛakʼ khone chaḍao akatʼpea.

Dosar Biboron 7:12

“Ar niạko niạm secʼpe moneyakʼ ar joton salakʼ onape manao, enḍekhan aperen Probhu Isor do aperen hapṛamko ṭhen okae gokʼletʼ ar ape lạgitʼ okae bondobos akatʼ onae rukhiyạitaea are dulạṛpea.

Josuạ 21:43

Probhu Isor do Israelkoren hapṛamko oka jaega emako reakʼe gokʼatʼko tahẽkan onako jotowakʼgeye ematʼko tahẽkana. Ar Israelko do ona disạmko dokholketʼte onḍe girobasokʼko ehopʼena.

Jirimiạ 11:5

Iń do aperen hapṛamko ṭhen nonkan disạm emako lạgitʼ iń kiriạlena one okare do toa, darkha rasa ar cetʼ jãhãnakʼ reakʼ okulạnge bạnukʼ, ar ona gokʼakʼ doń purạugea.’ Ona disạmge teheń do apepe ạidạri akawana.” Ińiń roṛ ruạṛkeda, “Amen, Probhu Isor!”

Mikạ 7:20

Ḍher din lahare am do aleren hapṛamko ṭhen cetʼlekam gokʼletʼ onkage Abraham ar Jakob bõsrenko ṭhen pạtiạranicʼ baṛe tahenme ar amakʼ asambheṛ dulạṛ baṛe sodorme.