Sereńko 105:1 - সান্তালী বাইবেল

¹ Probhu Isorge gun manao joharaepe, ar uniyakʼ ńutum dohaeakʼpe; uniyakʼ kạmi reakʼ katha eṭakʼ jạtrenko baḍae ocokope.

Sereńko 105:1 Referans Kwoze

Jesaea 12:4

Ape do enhilokʼpe mena, “Probhu Isor sarhaoepe, ar uniyakʼ gun reakʼ katha lại pasnaope; uni okae ceka akatʼ ona do sanam jạtrenko baḍae ocokope ar lại pasnaope, uni doe maraṅ utạricʼ kana.

Romiko lạgitʼ Pạul Apostolakʼ ciṭhi 10:13

Sonot sostorre menakʼa, “Bańcao ńam lạgitʼ jãhãege Probhu Isore hohowae uni do bańcaoe ńama.”

Sereńko 106:1

Probhu Isorakʼge sarhao hoyokʼtae ma. Ape do Probhu Isor gunmanao joharaepe, ente uni doe bhagegea; ar uniyakʼ daya do jaejug hạbicʼ tahenkana.

Sereńko 96:3

Eṭakʼ jạtrenko ṭhen uniyakʼ ṭhonok lạipe; ar sanam hoṛko talare uniyakʼ sanam hahaṛa kạmiko reakʼ katha porcarpe.

1 Bõsbudạ 16:34

Probhu Isorge gunmanao joharaepe, ente uni doe bhagegea; ar uniyakʼ daya do jaejug hạbicʼ tahẽ akae tahenkana.

Aposkạmi 9:14

Ona chaḍa am ńutumte koejoṅkan hoṛko sapʼko lạgitʼ maraṅ naekeko ṭhen khon ektiạri hataokate nonḍeye hecʼakana.”

Daniel 3:29

Ona iạte iń do noań hukumiń emetʼkana, jãhãn jạtren, disạmren se pạrsiren hoṛ jodi Sedrok, Mesak ar Abed-nego takoren Isor upạrte jãhãe jãhãnakʼe roṛ enḍekhan uni doe makʼ khanḍa khunḍi ocokʼa ar uniyakʼ oṛakʼ-duạr do guricʼ mande leka hoyokʼtaea, ente nonka do cele debotage bako babańcaoa.”

Jesaea 51:10

Amge cetʼ khạndri jalapuri reakʼ dakʼ do bam ańjetʼ ocoleda? Amge cetʼ jalapuri bhitrite hor do bam tearleda one amren chaḍao akan hoṛko taṛam paromlen?

1 Bõsbudạ 29:13

“Ńitokʼ do, E aleren Isor, amle sarhaoetʼme kana, amakʼ ṭhonok reakʼ ńutumle sarhaoetʼtama.

Joel 2:32

Unre rukhiyạ ńam lạgitʼ jãhãege Probhu Isore hohowae uni do rukhiyại ńama, ente Probhu Isorakʼ katha leka Sion bururen ar Jerusalemren adom hoṛ do rukhiyạko ńama. Isor okoeye bachao akatʼko onko do rukhiyạ akan hoṛ talareko tahena.

Sereńko 99:6

Mose ar Aron hõ uniren naekeko modren kin tahẽkana; okoe uni ṭhenko koejoṅkan tahẽkan onko modre Samuel hõe tahẽkana. Mose, Aron ar Samuel do Probhu Isorko hohowae kan tahẽkana ar uni do onkoe roṛ ruạṛako kan tahẽkana.

1 Bõsbudạ 29:20

Tayomte Dạud do sanam hoṛkoe metatʼkoa, “Ape do aperen Probhu Isor sarhaoepe.” Unre onko jotoge akoren hapṛamkoren Probhu Isorko sarhaokedea ar Probhu Isor ar raj ńutumte ombakʼenteko ḍobokʼadea.

Sereńko 89:1

Iń do jaejugge Probhu Isorakʼ asambheṛ dulạṛ reakʼ iń sereńa; ar bõske bõs sanamko samaṅre amakʼ pạtiạrtetʼ reakʼ kathań lại jạhira.

1 Bõsbudạ 25:3

Jiduthanren turui goṭen hoponko do Gedaliạ, Sori, Jisayaho, Simiyi, Hosbiạ ar Mottithiạ. Onko do akoren apattetʼ Jiduthanakʼ ạyurte peṛesaṅ banamate Probhu Isor sarhao ar õṛhẽ talate uniyakʼ kathako sodoretʼ tahẽkana.

Numeri 23:23

Jakob cetanre jãhãn gonokko do ohoge cahṭao daṛelena; Israelko cetanre jãhãn mantar hõ ohoge cahṭaolena. Jakob, metakʼme Israel reaṅ do ńitokʼ noa katha menogokʼa, ‘Isor okae ceka akatʼ ona ńelme.’