Sereńko 104:35 - সান্তালী বাইবেল

³⁵ Dhạrti khon kại hoṛ doko ḍahao maraokʼma; ar bedhoromko hõ jotogeko cabakʼma. E ińakʼ jiwi, Probhu Isorakʼ sarhao sereńme; Probhu Isorakʼge sarhao hoyokʼtae ma.

Sereńko 104:35 Referans Kwoze

Sereńko 103:22

E Probhu Isorakʼ rajosṭi reakʼ sanam ṭhạ̃ire uniyakʼ sanam sirjonko, ape do uni sarhaoepe; E ińakʼ jiwi, Probhu Isor sarhao sereńae me.

Sereńko 37:38

Menkhan kạkạiko doko marao cabakʼa; onko bạṛicʼ hoṛkoakʼ bõs do ḍahao maraokʼa.

Kạhtukko 2:22

menkhan disạm khon bạṛicʼko doko kaman ocokʼa ar bepạtiạrko doko or totʼ giḍi ocokʼa.

Sereńko 106:48

Sirjạu reakʼ etohopʼ khon jaejug hạbicʼ Israelkoren Probhu Isorakʼ sarhao baṛe hoyokʼtaema. Sanam hoṛko menma, “Amen.” Probhu Isorakʼge sarhao hoyokʼtae ma.

Sereńko 105:45

Jemon onko do uniyakʼ niạmko manao ar uniyakʼ ạn lekako calao daṛeakʼ. Probhu Isorakʼge sarhao hoyokʼtae ma.

Sereńko 101:8

Dinạm hilokʼ setakʼ jokhecʼ iń do bedhoromkoń mohor meṭaokoa, jemon Probhu Isorakʼ nagraha khon mimitʼ dusṭạmi kạkʼmikoń marao cabako.

Sereńko 59:13

Am do edrete onko marao giḍikakome, jemon onko do ar bako tahen; ar nonkate dhạrtiren sanamkoko baḍaea, Isorge Jakob bõsrenko cetanreye rajokʼa mente. (Sela)

Sereńko 1:4

Menkhan bedhoromko do bako onkana; onko do hoete oṭaṅ calakʼkan bhusạ lekanako.

Sereńko 73:27

Okoe am ṭhen khon pharakteko sen akan, onko doko ses utạrokʼa; ar okoe amre bako pạtiạu akan onko dom marao giḍikoa.

Bikʼcạrko 5:31

E Probhu Isor, amren bạiriko nonkageko marao cabakʼma; menkhan okoe amko dulạṛme Onko do siń cando leka daṛeanko hoyokʼma. Inạ tayom disạmre pongel bochor hạbicʼ suluk tahẽkana.

Sereńko 104:1

E ińakʼ jiwi, Probhu Isor sarhao sereńaeme; E Probhu, ińren Isor, am dom dayawạnicʼ kana! Am do ṭhonok ar mantem sajao akana.

Sereńko 145:20

Okoe Probhu Isorko dulạṛe uni do onko sanamkoe rukhiyạkoa, menkhan sanam bạṛicʼko uni doe ḍahao maraokoa.

Jesaea 13:9

Ńelpe, Probhu Isorakʼ din do hijukʼ kana. Ona do kurmutạha, kurkurạukʼ ar jaljalaokʼkan edreante hijukʼ kana; pirthimi ar onaren kại hoṛko cabako lạgitʼge hijukʼ kana.