Biblia Todo Logo
Bib sou entènèt

- Piblisite -




Sereńko 104:24 - সান্তালী বাইবেল

24 E Probhu Isor, am do ạḍi utạrakʼkom sirjạu akada; ar amakʼ akelte onako dom benao akada; amakʼ sirjạuakʼ jiniskotege dhạrti do perecʼ akana.

Gade chapit la Kopi




Sereńko 104:24
22 Referans Kwoze  

Probhu Isor do acʼakʼ daṛete dhạrtiye sirjạu akada, ar acʼakʼ ạkiltege pirthimi reakʼ rehetʼe bạisạu akada ar uniyakʼ bujte sermae pasnao akada.


E ińren Probhu Isor, ḍhergetama amakʼ hahaṛa kạmiko do! Ale lạgitʼ okaṭakʼem goṭa akatʼ! Onań roṛ sodorlere, ariń lạilere ona do tishõ baṅ mucạdokʼa. Ar am leka do okoe menaea?


Isorakʼ dhon do asambheṛgea. Uniyakʼ bud ar akel hõ khạndrińgea. Uniyakʼ bicạr ar sanam kạmiko do oho ḍunḍhạulena.


Uni doe onkaleda jemon Mạsiyakʼ manḍer hotete sermaren sanam cakʼlaoko ar ektiạrianko ṭhen aema lekate sodor akan Isorakʼ akel ńitokʼ sodorokʼ.


Manwako lạgitʼ Probhu Isorakʼ hahaṛa kạmiko iạte ar uniyakʼ asambheṛ dulạṛ iạte onko do uniko sarhaoema.


Dhạrti ar onare menakʼakʼ jotowakʼge Probhu Isorakʼ kana; Prithimi ar onare tahenko hõ uniren kanako;


Okoe do acʼakʼ bujte sermae benao akatʼ uni gun manao joharaepe; ente uniyakʼ dulạṛ do jaejuggetaea.


Iń do amakʼ tite benaoakʼ serma secʼiń beṅgetʼeda ar onḍem ṭarhao akatʼko ńindạ cando ar ipilkoń ńeletʼkoa.


Eken amkangeam aleren Probhu Isor do. Amge serma, maraṅ serma ar onare menakʼ jotowakʼko, dhạrti ar ona cetanre menakʼ jotowakʼko, jalapuri ar onare menakʼ jotowakʼkom sirjạu akada. Amge sanamko jiwim emakawatʼkoa ar sermaren sanamkoge amko sewawam kana.


Isor do noa daya acʼakʼ maraṅ bud ar akel salakʼe dan akatʼ bona.


Isor do acʼakʼ sirjạuakʼ reakʼ sanamakʼe ńelkeda. Ar sạrige onako do ạḍi mońjge hoyakana. Ado ạyupʼena ar setakʼena, ar ona do turuiyakʼ din hoyena.


Uni do nonkan maraṅakʼkoe kạmiyeda one ona reakʼ khạndritetʼ do oho jokhalena; uni do nonkan hahaṛawakʼkoe kạmikana ona do tisge oho lekha cabalena.


Noa puriren kisạ̃ṛko hukumakome jemon onko do aloko usul monokʼ ar nasaokʼ dhonre aloko bhorsakʼ, menkhan Isorrege bhorsa akaeko tahenma. Unige mạṅgnite jotowakʼe kulạu anṭao abon kana rạskạte beoharjoṅ lạgitʼ.


Bochor do ḍher okocʼ bhortem bhạlại akada; ar amakʼ dãṛãn reakʼ horre asambheṛ bhor do jhurokʼ kana.


Orlo hoṛ do ona bae baḍae daṛeakʼa; ar bebuj hoṛ hõ ona do bae bujhạu daṛeakʼa.


onkoge Probhu Isorakʼ kạmiko ńelakada, ar khạndri dakʼre uniyakʼ hahaṛa kạmi hõko ńelakada.


E dhạrtiren hoṛko ape do Probhu Isor sarhaoepe. E jalapuriren napṛakʼ napṛakʼ jiwiyanko ar jalapuri reakʼ khạndriyakʼko uni sarhaoepe.


Swiv nou:

Piblisite


Piblisite