Sereńko 104:21 - সান্তালী বাইবেল

²¹ Juạn dhạcri kul do sendra jel lạgitʼko hạnḍrạukʼa, ar Isor ṭhen khon jomakʼko khoja.

Sereńko 104:21 Referans Kwoze

Jobakʼ 38:39

“Dhạcri kul do tinre gaṛreye giticʼ tahena se gajaṛre tãṛãkʼ akane tahena, unre kul eṅga do cetʼ amgem sendra gocʼ ạguae kana ar reṅgecʼ jokhecʼ dhạcri kul do jomakʼem emae kana?

Joel 1:20

Bir janwarko hõ am ṭhenko rakʼeda, ente ạtukʼ dakʼ do ańjetʼ rohoṛakana ar hahaṅkar reakʼ ạtiń ṭạnḍiko hõ seṅgele jomakada.

Sereńko 34:10

Juạn dhạcri kulkoakʼ do jomakʼ reakʼ ṭonṭa hoyokʼkana, onko do reṅgecʼteko kosṭokʼkana; menkhan okoe Probhu Isorakʼ sana lekako calakʼ onko do bhageakʼte bako ṭonṭakʼa.

Joel 2:22

E ṭạnḍiren janwarko, alope botorokʼa, ente ạtiń ṭạnḍi do hạriạ̃ṛ akana. Darekore jo hõ sapʼakana; loa dare ar darkha nạ̃ṛĩ hõ ḍher jo akana.

Amos 3:4

Sikạr bae ńamle khan kul do cetʼ gajaṛ khone hạnḍrạukʼgea? Ar jãhãnicʼ bae sapʼ daṛeae khan dhạcri kul do cetʼ acʼakʼ danderreye gondraokea?

Joel 1:18

Mĩhũ merom doko kuhrạũkʼkana! Gại ḍaṅgra pal doko anḍrokʼ sanḍrokʼ baṛaekana, ente onkoakʼ ạtiń ṭạnḍi do bạnukʼtakoa; ar bhiḍi merom doko andakʼ tawakʼ baṛaekana.

Jesaea 31:4

Probhu Isor do niạ kathae metadińạ, “Dhạcri kul cetʼleka acʼe gocʼ akade janwar cetanreye gondraokʼkan ar uni upạrte mitʼ dol gukʼpikoko hoholere hõ bae botorokʼkan. Onkage phạdkoren Probhu Isor do lạṛhại lạgitʼ Sion buru ar ona reakʼ usul ṭhạ̃ikoreye pheḍ hijukʼa.

Sereńko 147:9

Uni do janwarko jomakʼe danako kana; bhonḍa kạhu hoponkoko ragre onkohõ jomakʼe emako kana.

Sereńko 145:15

As kate sanamkoge am secʼko beṅgetʼakada; am do ṭhik okterege jomakʼem emako kana.

Jobakʼ 38:41

Bhonḍa kạhuren hoponko tinre Isor ṭhenko rakʼeda ar jomakʼ lạgitʼ hante nateko ạcur baṛaekana, unre okoe onko do jomakʼe kulạu ako kana?