Sereńko 104:2 - সান্তালী বাইবেল

² Kicricʼ lekage am do marsalem horokʼ akawana; rimilge am do tạmbu lekam ṭaṅgao akada.

Sereńko 104:2 Referans Kwoze

Jesaea 40:22

Prithimi cetan reakʼ sermare unige siṅghạsonreye duṛupʼ akana, dhạrtiren hoṛko do sosrocʼ leka kanako. Orwal leka uni do sermae pasnao akada, tahen lạgitʼ tạmbu leka onae ṭaṅgao akada.

Daniel 7:9

“Tayomteń ńelkeda adomakʼ siṅghạso doho ocoyena ar mitʼṭecʼ mare haṛam hoṛ do acʼakʼ siṅghạsonreye duṛupʼena. Uniyakʼ kicricʼko do him leka ponḍ ar uniyakʼ bohokʼ reakʼ upʼ do ponḍ il leka tahẽkana. Uniyakʼ siṅghạson ar siṅghạson reakʼ pạ̃ihạ̃kore do seṅgel jolokʼkan tahẽkana.

Jesaea 45:12

Ińge dhạrti sirjạukate onare manwań sirjạukedea; iń do ińakʼ tite sermań pasnao akada ar sermaren siń cando, ńindạ cando ar ipilkoń benao akatʼkoa.

1 Johan 1:5

Okaṭakʼ katha Jisu Mạsi ṭhen khon ańjomkate apele baḍae ocoyetʼpe ona do noage, Isor doe marsal kana; ar unire ńut do bạnukʼanaṅ.

1Timothi 6:16

Isor do gujukʼ gobolren doe baṅkana. Uni do nonkan marsalreye tahenkana one okare okoe manwage bako sen daṛeakʼ. Ar okoe manwa hõ uni do tisge bako ńelakadea ar bako ńel daṛeaea; uniyakʼge man ar jaejug daṛe do. Amen.

Mathae 17:2

Ar onko samaṅre uni doe eṭakʼ boronena. Uniyakʼ mẽtãhã do siń cando leka jhak jhak ar kicricʼko do marsal leka pĩṛĩtʼ pĩṛĩtʼ ponḍentaea. Onko do Mose ar Eliạ Jisu tulucʼ galmaraoko ńelketʼkinạ.

Sakariạ 12:1

Noa kangea Israel babotre Probhu Isorakʼ katha do. Probhu Isor, one okoe do sermae aṭetʼ akatʼ, okoe do dhạrti reakʼ rehetʼe bạisạu akatʼ, okoe do manwa bhitrire Jiue sirjạuakawade, uniye meneda,

Jobakʼ 9:8

Uni do eskarte sermakoe pasnaoeda ar jalapuri reakʼ ḍheoko cetanteye taṛameda.

Jobakʼ 36:30

Uni do acʼ beṛhaete kuṛhạye pasnaoeda ar buruko reakʼ muthnikoe dapaleda.

Habakkuk 3:4

Siń cando lekage uni doe jhak jhakaokʼkana; uniyakʼ ti khon marsal do oḍok hijukʼkana, onḍe uniyakʼ daṛe do danaṅre menakʼtaea.