Sereńko 104:15 - সান্তালী বাইবেল

¹⁵ Darkha rasa do manwakoakʼ mone rạskạ ocoyeda, sunum do uniyakʼ mẽtʼãhãe malkao ocoyeda, ar piṭhạ do uniyakʼ jiwire daṛeye ạguiyeda.

Sereńko 104:15 Referans Kwoze

Sereńko 23:5

Bạiriko samaṅrege am do jomakʼ ar ńũiyakʼkom juṛạuạń kana, ar bohokʼre sunumem ojokʼạń kana; ar ińakʼ bạṭi do sareṛokʼ kan tińạ.

Sosolhayic̕ 10:19

Bhoj daka do rạskạ ocome lạgitʼ; darkha rasa do jiwi hulạs ocoy lạgitʼ; ar ṭaka-poesa do sanamakʼe jogaoa.

Sosolhayic̕ 9:7

Onate am do senkate rạskạte jomme ar sukte darkha rasa ńũ joṅme, ente Isor do amakʼ niạko kạmi reakʼ laha khongeye kusi ạgu akawada.

Bikʼcạrko 9:13

Menkhan darkha nạ̃ṛĩ hõe roṛ ruạṛkeda, ‘ińakʼ jo reakʼ oka rasate Isor ar manwako rạskạkʼkan ona baṅkate cetʼ iń do sanam dareko cetanreń lewer kodorokʼa?’

Ibriko 1:9

Am do dhoromem dulạṛeda ar bedhorom dom kurudakʼ kana; onate Isor, amren Isor do, amren soṅgetenko khon hõ bạ̃ṛti hulạs sunum lekae ojokʼ akatʼmea.”

Ephesiko lạgitʼ Pạul Apostolakʼ ciṭhi 5:18

Alope ńũ bulokʼa, onate do bin sambṛaokʼkope hoyokʼa. Ona khon bickom sonot Jiu tabere tahenpe,

Sereńko 92:10

Bir sanḍakʼ usul dereń leka am do ińakʼ bohokʼem usul akatʼtińạ; ar rạskạ salakʼ nãwã sunumte ińem ojokʼ akadińạ.

1 Johan 2:20

Menkhan ape do uni sonoticʼ ṭhen khonpe ojokʼ ocoakana, metakʼme sonot jiupe ńam akadea ar jotoge sạriyakʼpe baḍae akada.

Jeheskel 4:16

Ona tayom uni do ińe metadińạ, “E manwa hopon, iń do Jerusalemre jom reakʼ jogao doń bonda. Hoṛko do dạndikate tulạkate jomakʼko joma ar dakʼ do tharbasaoate soṅkateko ńũiya,

Jirimiạ 31:12

Onko do hecʼkate Sion reakʼ cetan ṭhạ̃ireko rạskạkʼa; ar iń emakʼ ḍher anaj, nãwã darkha rasa, sunum, bhiḍi merom ar pal ḍaṅgrakoren hopon ńamkateko rạskạkʼa. Onko do bhage dakʼ ńamakʼ bagwan lekako hoyokʼa; onko do ar bako nijorokʼa.

Bikʼcạrko 9:9

Menkhan jạitun dare doe metatʼkoa, ‘ińakʼ oka sunumte Isor ar manwako manotokʼkan onako bạgikate cetʼ iń do sanam dareko cetanreń lewer kodorokʼa?

Luk 7:46

Am do bohokʼre sunum hõ bam ojokʼạdińạ, menkhan uni do ińakʼ jaṅgare mahkaokʼ sunume dulạdińa.

Jesaea 3:1

Ńitokʼ ńelme, phạdkoren Probhu Isor do Jerusalem ar Jihudạ khon ṭheṅga ar ṭhesae ocokʼeda. Uni do onkoakʼ sanam jomakʼ ar dakʼkoe ocoga.

Sosolhayic̕ 8:1

Ạkilanicʼ leka do okoe menaea? Katha reakʼ bhed bhaṅgao do okoeye baḍaea? Ạkil do manwawakʼ mẽtʼãhãe malkao ocoyetʼtaea ar uniyakʼ mẽtãhã reakʼ ṭheṭamu do pheraokʼkana.

Kạhtukko 31:6

Gujukʼ lạgidokʼko do bubulakʼ emakope. Ar darkha rasa do jiwire dukokʼkankoge;

Sereńko 105:16

Ona tayom uni do onkoakʼ disạmre akale hoyocokeda ar jomakʼteye ṭonṭaketʼkoa;

Dosar Biboron 28:40

Apeakʼ goṭa disạmrege jạitun dare do tahengea menkhan ona reakʼ jo do jhurokʼte sunum do bape ojokʼ ńama.

Dosar Biboron 8:3

Uni doe nindhạn ocoketʼpea, reṅgecʼ ocoketʼpea ar Mannae jom ocoketʼpea one ona reakʼ katha ape ar aperen hapṛamkoakʼ baḍae baṅ tahẽkan. Onate niạ sikhnạte emapekana, manwa do eken piṭhạ motote jiwetʼ bako tahena, menkhan Probhu Isorakʼ moca khon oḍokokʼkan mitʼke mitʼ kathatege jiwetʼko tahena.

Levitikus 26:26

Iń do apere akaliń kola. Unre gel goṭen maejiu do mitʼṭecʼ culhạre piṭhạko rapakʼapea, ar jojom jokhecʼ piṭhạ do soṅkatepe emokʼa. Ar lacʼ bikʼ do bape jom ńama.

Mark 14:23

Ona tayom bạṭi hõ halaṅkate Isore gun manao joharadea are ematʼkoa. Ar sanamkoge ona bạṭi reakʼko ńũkeda.

Jeheskel 14:13

“E manwa hopon, jãhã disạmren bepạtiạrakʼko kạmite iń reaṅko kại, ar iń do onko upạrte ińakʼ tiyiń tiyạrte ona lạgitʼ piṭhạ reakʼ jogao iń bond ocoy, ar onate akaliń kolte manwako ar janwarkoń maraoko,

Jeheskel 5:16

Am maraome lạgitʼge am cetanre akal reakʼ botoranakʼ sariń aṛaga. Iń do am cetanre ona akal arhõń ḍher ocoya ar amakʼ jomakʼ reakʼ jogaṛ hõń bond ocoya.

Genesis 18:5

Aperen guti ṭhenpe hecʼakana onate ape lạgitʼ thoṛa jomakʼ iń ạgulege, onatepe tirpitokʼa ar ona tayom do arhõpe sen idikʼa.”

Bikʼcạrko 19:5

Ado ponakʼ din ạḍi setakʼre beretʼkate ruạṛokʼ lạgitʼe sapṛaoena menkhan uniren hońhartetʼ doe menkeda, “Jom ńũi ben, ado ben calakʼa.”

2 Samuel 13:28

Absalom do acʼren hoṛko noae hukumatʼkoa, “Ńelpe, darkha rasa ńũkate tinre Amnon doe moṅgonokʼa unreń metape khan, ‘Amnon ńẽdepe,’ Unre ape do unipe gojeya. Ar alope botorokʼa. Ente ińgeń hukumape kana. Diljoṅpe ar daṛeanko hoyokʼpe.”

Kạhtukko 31:7

Onko do ona ńũkate okulạn reakʼ kathako hiṛińma, ar onate duk ar kosṭo monre aloko disại ma.

Jesaea 55:10

Dakʼ ar him do serma khon cetʼleka ńurokʼkante ote hemal ocoyetʼkan ar onḍe baṅ ruạṛkan, bickom ona iạte jo ar bahakʼkan, ar erokʼ icʼ do itạ ar jojomicʼ do jomakʼe emaekan,

Sakariạ 10:7

Eprayimrenko do daṛean hoṛ lekako hoyokʼa, onkoakʼ ontor do darkha rasa ńũ akatʼ leka kusikʼtakoa. Ona ńelte onkoren hopon ar hoponerako doko hulạsokʼa; onkoakʼ ontor do iń iạte rạskạkʼtakoa.