Sereńko 103:5 - সান্তালী বাইবেল

⁵ Ar bhạlạiyanakʼ jiniskote uni doe tirpit ocoyetʼmea; uni do pajhaṛ cẽṛẽ leka nãwã juạn umere danama.

Sereńko 103:5 Referans Kwoze

Jesaea 40:31

menkhan Probhu Isorre okoe asko dohoyetʼ onko do nãwã daṛeko ńama. Pajhaṛ cẽṛẽ leka onko do phạ̃kṛạ̃kʼ hotete coṭteko uḍạukʼa; onko doko dạṛ idiya ar bako laṅgakʼa, taṛamako ar bako nijorokʼa.

Sereńko 107:9

Okoeyakʼ ontorre tetaṅ menakʼ uni doe ṭanḍha ocokedea, ar okoeyakʼ ontorre reṅgecʼ menakʼ onko do bhage bhage jiniskoteye tirpit ocoketʼkoa.

1Timothi 6:17

Noa puriren kisạ̃ṛko hukumakome jemon onko do aloko usul monokʼ ar nasaokʼ dhonre aloko bhorsakʼ, menkhan Isorrege bhorsa akaeko tahenma. Unige mạṅgnite jotowakʼe kulạu anṭao abon kana rạskạte beoharjoṅ lạgitʼ.

2 Korinthiko 4:16

Onate ale do bale as chuṭạukʼ kana. Ente aleakʼ bahre hoṛmo nasao idikʼkanre hõ bhitri hoṛmo do din dinte nãwã idikʼ kantalea.

Sereńko 63:5

Jel ar itilanakʼte tirpitokʼ hoṛ leka ińakʼ jiwi do tirpitokʼ kana; ińakʼ moca do maraṅ rạskạte amakʼgeye õṛhẽ sereńa.

Sereńko 104:28

Amem emakokanre onko doko halaṅjoṅ kana; Amakʼ tiyem khulạuetʼ khan onko do bhage bhage jinisteko bikʼ kana.

Sereńko 23:5

Bạiriko samaṅrege am do jomakʼ ar ńũiyakʼkom juṛạuạń kana, ar bohokʼre sunumem ojokʼạń kana; ar ińakʼ bạṭi do sareṛokʼ kan tińạ.

Sereńko 65:4

Bhạgangeae uni hoṛ, one okoeyem bachao joṅ ar am ṭhenem ạguyede, jemon amakʼ racareye girobas daṛeakʼ. Amakʼ oṛakʼre, amakʼ sonot tahen ṭhạ̃i reakʼ bhorte ale dole tirpitokʼa.

Hosea 2:15

Onḍe iń do uniyakʼ darkha bagwaniń ruạṛkataea ar Akhor reakʼ buru nala do as reakʼ duạriń hoeocoyea. Uniyakʼ juạn oktere leka uni do onḍeye sereńa cetʼleka uni do Misor khon oḍok hijukʼ dinreye sereńletʼ tahẽkan.

Josuạ 14:11

Mose oka hilokʼe kollediń enhilokʼ leka teheń hạbicʼ hõ daṛege minạńa; ar ńitokʼ hõ lạṛhại calakʼ ar sanamakʼ kạmi reakʼ daṛe menakʼgetińạ.

Jobakʼ 33:25

Uniyakʼ hoṛmo do juạn leka arhõ hoyokʼtaea; juạn jokhecʼ reakʼ daṛege uni doe ńam ruạṛa.