Sereńko 103:21 - সান্তালী বাইবেল

²¹ E Probhu Isor sewawaekan daṛean dolko okoe do uniyakʼ sana lekape calakʼkan, ape do uni sarhaoepe.

Sereńko 103:21 Referans Kwoze

1 Rapajko 22:19

Mikạ do roroṛe ehopʼena, “Enḍekhan Probhu Isorakʼ katha ańjomme. Ińiń ńelkeda, Probhu Isor do acʼakʼ siṅghạsonreye duṛupʼ akana ar uniyakʼ jojomsa ar uniyakʼ leṅgasa aṛere do sermaren sanam goḍetko menakʼkoa.

Luk 2:13

Ar ackage uni serma goḍet soṅgete arhõ aema goḍetko ńelena. Onko do Isor sarhaoate memenko ehopʼena,

Sereńko 104:4

Hoe do amren goḍetem benao akadea; ar jolokʼkan seṅgel do amren golamem hoyocoakadea;

Nehemiạ 9:6

Eken amkangeam aleren Probhu Isor do. Amge serma, maraṅ serma ar onare menakʼ jotowakʼko, dhạrti ar ona cetanre menakʼ jotowakʼko, jalapuri ar onare menakʼ jotowakʼkom sirjạu akada. Amge sanamko jiwim emakawatʼkoa ar sermaren sanamkoge amko sewawam kana.

Ibriko 1:14

Serma goḍetko do cetʼ sanamkoge sapʼsosor Jiuko doko baṅkana? Okoe kại khon bańcaoko ńam onko sapʼsorako lạgitʼge coṅ onko mako kol ocoakan.

Josuạ 5:14

Uni doe roṛ ruạṛkeda, “Okoe secʼren hoṛ hõń baṅkana. Iń do Probhu Isoren palṭon dolren senapoti kạnạń; ar ńitokʼ do nonḍeń hecʼakana.” Niạ katha ańjomkate Josuạ do otreye ombakʼente uniye ḍobokʼ adea are kulikedea, “Ińren Probhu Isor do cetʼ acʼren guti jãhãnakʼ metae lạgitʼe menjoṅkana?”

Genesis 32:2

Onko ńelte uni doe menkeda, “Noa do Isorakʼ ḍera kana.” Ar onate ona jaega reakʼ ńutum do Mahanayime dohokeda (metakʼme, “Barea ḍera”).

Mathae 13:41

Onko do uniyakʼ rajosṭi khon sanam tạkicʼakʼ ar sanam lekan bedhorom kạmikan hoṛko jarwa mitʼkoa ar jolokʼkan seṅgelreko khadlekoa.

Sereńko 68:17

Isorakʼ rãt gạḍi do hajar hajar, lakh lakh; Probhu Isor do onako talare sonot ṭhạ̃ire menaea, cetʼleka uni do Sinại burureye tahẽkan.

Sereńko 33:6

Probhu Isorakʼ kathatege serma do sirjạu akana; ar ona reakʼ sanamakʼ do uniyakʼ sahẽtʼte sirjạu akana.

2 Bõsbudạ 18:18

Mikạ do roroṛe ehopʼena, “Enḍekhan Probhu Isorakʼ katha ańjompe. Iń doń ńelkeda Probhu Isor do acʼakʼ siṅghạsonreye duṛupʼ akana ar uniyakʼ jojomsa ar leṅgasa aṛere do sermaren sanam goḍetko menakʼkoa.