Sereńko 103:13 - সান্তালী বাইবেল

¹³ Gidrạko lạgitʼ baba do cetʼ leka mãyã menakʼtae onkage acʼ botoraekanko cetanre uniyakʼ hõ mãyã menakʼtaea.

Sereńko 103:13 Referans Kwoze

Jirimiạ 31:20

Ephrayim do cetʼ ińren sadher hopon doe baṅ kantińạ? Nui do cetʼ uni hopon doe baṅ kantińạ one uni ńelteń kusikʼkan? Uni upạrte jao okte kathań roṛ akatʼrehõ enhõ iń do jaogeń disạyede kana. Ona iạte ińakʼ jiwi do uni lạgitʼe rakʼeda; uni lạgitʼ ińakʼ daya do menakʼgetińạ.

Sereńko 103:17

Menkhan okoe do Probhu Isorko sewawae kan ar uniyakʼ bondobosko manaoetʼkan ar ona reakʼ niạm leka calakʼko menetʼkan onko cetanre uniyakʼ dulạṛ ar pạtiạr do jaejug hạbicʼ piṛhike piṛhi tahena.

Kạhtukko 3:12

ente apat cetʼleka acʼren hopone egere onkage Probhu Isor hõ acʼ okoeye dulạṛe unigeye egerea.

Jirimiạ 31:9

Onko do rakʼ rakʼteko hijukʼa; ar tinre onkoń ruạṛ ạgukoa unre onko do koe koeteko hijukʼa. Onko do otte ar gaḍa dakʼko secʼteń taṛam ocokoa; onḍe onko do bako tohodokʼa, ente iń do Israelren, metakʼme Eprayimren apat kạnạń ar uni do ińren pạhil janamicʼ hopon kanae.

Malaki 4:2

Menkhan ape okoe do ińpe botorạń kan ape cetanre iń do dhoromren siń candoń rakapʼ ocoyea uniyakʼ marsalre do phạphạriạwakʼge tahena. Ar ape do goṛa khon oḍok ạgukede mĩhũ lekape piḍgạu baṛaea.

Sereńko 147:11

menkhan okoe uniko botorae ar uniyakʼ dulạṛre asko dohoyetʼ, onko iạtege Probhu Isor doe rạskạkʼa.

Mathae 6:32

ona chaḍa aperen sermaren Baba doe baḍaegea noako sanamakʼ reakʼ jạruṛ menakʼtapea mente.

Sereńko 103:11

Dhạrti khon serma tinạkʼ usul, unạkʼge uni do acʼ botoraekanko cetanre dulạṛ hõ ḍhergetaea.

Aposkạmi 13:26

“E boehako, Abrahamren hoponko ar Isor botoraekanko, kại khon bańcao reakʼ noa khobor do abon ṭhenge kolakana.

Johan 20:17

Jisui menkeda, “Alom hạṛubińạ, ente ńit hõ sermaren Baba ṭhen ạuriń calakʼa. Am do senkate boehako lạiyakome, okoe doe iń ar aperen Babakan ar okoe doe iń ar aperen Isorkan, iń do uni ṭheniń rakapʼ calakʼkana.”

Mathae 6:9

Onate ape do nonka leka koejoṅpe; E aleren sermare menam Baba, amakʼ ńutum sonotokʼ ma.

Dosar Biboron 3:5

Noako nagrahako do usul pạcrikote esetʼ ạcur tahẽkana ar onare do phaṭok duạr ar hurkạṛko hõ tahẽkana.

Numeri 11:12

Iń do cetʼ noko hoṛko kukhireń ńam akawana? Noko do cetʼ iń janam akatʼkoa? Nokoren hapṛamko ṭhen okaṭakʼ disạm emokʼ reakʼem gokʼatʼko tahẽkan onḍe hobor nunu gidrạko leka cedakʼ idiko lạgitʼem mitạńkana?

Levitikus 26:44

Enhõ bạirikoakʼ disạmre tahen jokhecʼ bạń dea giḍi utạrkoa se bạń hirkhạ sạṅgiń utạrkoa jemon aloko marao utạrokʼ ar onko sãote ińakʼ bondobos hõ alo cabakʼ. Iń kangeạń onkoren Probhu Isor do.