Sereńko 102:28 - সান্তালী বাইবেল

²⁸ Amren golamren gidrạko do jiwetʼgeko tahena; onkoren bõsko do am samaṅre ṭarhao akanko tahena.

Sereńko 102:28 Referans Kwoze

Jesaea 66:22

Probhu Isore meneda, “Oka nãwã serma ar nãwã dhạrtiń sirjạu ar cetʼleka iń samaṅre ona ṭikạu tahen onkage apeakʼ ńutum ar aperen bõsko hõko ṭikạu tahena.

Jesaea 65:22

Onko oṛakʼko benao lekhan eṭakʼko do onḍe ar bako tahena, se dareko rohoele khan eṭakʼko ona reakʼ jo do bako joma. Ińren hoṛkoakʼ bahaokʼ din do mitʼṭecʼ dare somange hoyokʼtakoa; ar ińiń bachao akawan hoṛ do ḍher din akoakʼ tite kạmiyakʼko bhogjoṅa.

Jesaea 53:10

Probhu Isor do acʼakʼ kusilekage uniye talga tạuạkʼ ocokedea ar duke jom ocokedea. Probhu Isorren golam do tinre acʼakʼ jiwiye samaṅtaea unre uni do acʼren hoponkoe ńel ńamkoa ar uniyakʼ bahaokʼ dine baṛhaotaea; uni hotetege Probhu Isorakʼ sana do purạukʼa.

Sereńko 89:4

‘amakʼ bõs do jaejug hạbicʼ iń teṅgo keṭeja; ar piṛhike piṛhi amakʼ siṅghạsoniń ṭarhao dohoya.’ ” (Sela)

Dosar Biboron 32:39

Ńitokʼ hudisokʼpe ar ńelpe ińkangeạń uni do; iń chaḍa ar cele Isorge bạnukʼkoa. Ińge gogocʼicʼ ar ińge jiwetʼicʼ, ińge ghạghạlicʼ, ińge bokʼgeyicʼ; ińakʼ ti khone bańcao daṛeakʼ nonkan celege bạnukʼkoa.

Jobakʼ 10:5

Manwa reakʼ din lekage cetʼ amakʼ dinko paromokʼ kana? Onko lekage cetʼ amakʼ bochorko hõ paromokʼ kana?

Jesaea 41:4

Okoe noa doe kạmi akada? Ar okoe hotete niạ kạmi do hoyakana? Piṛhike piṛhi cetʼko hoyokʼ ona do pạhil khon okoeye ṭhik dohoakada? Iń Probhu Isorge pạhil khon minạńa ar ses okteren hoṛko sãote hõń tahena.”

Jesaea 43:13

Hẽ, pạhil khon ini kangeạń. Okoege ińakʼ ti khon do ohoko rukhiyạ daṛelena. Ińiń kạmile khan ona do okoe hõ bako bạtil daṛeakʼa.”

Malaki 3:6

“Iń kangeạń Probhu Isor do, ińakʼ jãhãn mon bodol do bạnukʼtińạ. Ona iạte E Jakob bõsrenko, ape do bape marao ocokʼa.