Sereńko 102:24 - সান্তালী বাইবেল

²⁴ Onateń meneda, “E ińren Isor, amakʼ emakʼ bahaokʼ atra horre alo baṛem idiyińạ; ente am do jaejug hạbicʼ menama.

Sereńko 102:24 Referans Kwoze

Sereńko 39:13

Iń khon eṭakʼ secʼ beṅgedme, jemon ạuriń calakʼre, ar ạuriń uṭhạukʼre, arhõń kharsala daṛeakʼ.

Habakkuk 1:12

E Probhu, ińren Isor, ińren sonoticʼ, am do cetʼ jaejug tahenkạnicʼ dom baṅkana? Ale do ohole marao utạrlena. E Probhu Isor, ale sạjạile iạtege am do Babelrenkom bachao akatʼkoa; E asray buru, ale sạjạile lạgitʼge onko dom teṅgo akatʼkoa.

Sereńko 102:12

Men khan E Probhu Isor, am do jaejug amakʼ siṅghạsonre menama; amakʼ ńutum do piṛhike piṛhi hạbicʼ tahena.

Johan sodor 1:8

Probhu Isore meneda, “Ińge Alpha ar Omega, one okoe do menaege, are tahẽkan are hijukʼkan. Ar iń kangeạń sanam daṛeyicʼ do.

Johan sodor 1:4

Iń Johan do Ạsiạ reakʼ eae goṭecʼ manḍerko ṭheniń oleda. Okoe menae, okoeye tahẽkan ar okoeye hijukʼkan uni ar uniyakʼ siṅghạson samaṅre okoe eae goṭen Jiuko tahenkan, onko ar Jisu Mạsi do daya ar sulukko dan apema.

Sereńko 9:7

Probhu Isor do jaejug hạbicʼe rajokʼkana; uni do bicạr reakʼ siṅghạsone bạisạu akada.

Jobakʼ 36:26

Isor doe maraṅgea menkhan abo do babon bujhạu orom daṛeae kana. Uniyakʼ umer baṅ tinạkʼ ona do ohoge bon baḍae daṛelea.

Sereńko 89:46

E Probhu Isor, ar tinạkʼ din? Jaejugge cetʼ am do okogem tahena? Ar tinạkʼ din amakʼ edre do seṅgel lekam jol ocoytama?