Sereńko 102:21 - সান্তালী বাইবেল

^21-22 Onate eṭakʼ jạtren ar rajosṭiko tinre Probhu Isor sewawae lạgitʼ mitʼ ṭhenko jarwakʼa, unre Probhu Isorakʼ ńutum do Sionre porcarokʼa.

Sereńko 102:21 Referans Kwoze

Sereńko 22:22

Ińren boehako ṭhen do am reaṅgeń lại jạhira, ar kạlisiạ talare amiń gun manao joharama.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Ephesiko lạgitʼ Pạul Apostolakʼ ciṭhi 3:21

Jisu Mạsi hotete ar manḍerko talate piṛhike piṛhi jaejug hạbicʼ Isorakʼ ṭhonok baṛe hoyokʼtae ma. Amen.

Jesaea 51:11

Probhu Isorren rukhiyạ akan hoṛ doko ruạṛ hijukʼa ar sereń sereńte Sionteko rakapʼa. Ar jaejugakʼ rạskạge onkoakʼ bohokʼ reakʼ mukuṭ do hoyokʼtakoa. Onko do ạḍiko hulạsokʼa ar duk ar kũhrạu do onko khon ńir pharakokʼa.

Sereńko 79:13

Enḍekhan ale, amren hoṛ, okoe do gupi ṭạnḍiren bhiḍiko kanle, ale do jaejug hạbicʼle gun manao joharama ar piṛhi cetan piṛhi le sarhaomea.

Exodus 3:16

Am do senkate Israelkoren murubbiko jarwakatem metakoa, onkoren hapṛam Abraham, Isahak ar Jakobren Probhu Isorge am ṭhene ńel ocoakana are menakada, ‘ape cetanre’ar Misorre cetʼ hoyokʼkan ona doń ńelakada.

Exodus 3:17

Ona iạteń meneda, Misor reakʼ santao khoniń oḍok idipea ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idipea. Onḍe do toa, dumur rasa ar jãhãn cetʼ reakʼ reṅgecʼge bạnukʼa.’

Sereńko 79:11

Bondi akankoakʼ geraṅ do amakʼ luturre bajaokʼma; ar okoeko cetanre gujukʼ reakʼ ray em hoyakan onko do amakʼ maraṅ daṛete baṛe bańcaokome.