Sereńko 102:16 - সান্তালী বাইবেল

¹⁶ Probhu Isor do arhõ Sione teṅgo aroeya, ar uni do acʼakʼ ṭhonokteye ńel ocokʼa.

Sereńko 102:16 Referans Kwoze

Jirimiạ 33:7

Iń do Jihudạ ar Israelren hoṛko bondi dosa khoniń ruạṛ ạgukoa ar onkoakʼ disạm do arhõ lahate lekań benao ruạṛa.

Sereńko 147:2

Probhu Isorge Jerusalem doe benao rakaba; ar unige chirchạtur akan Israelkoe jarwakoa.

Mikạ 2:9

Ińren hoṛkoren maejiuko do onkoakʼ oṛakʼ duạr khonpe laga ńiretʼkoa. Ińakʼ bhor khon onkoren hopon ar hoponerako jaejugpe recʼetʼkoa.

Jirimiạ 31:4

Ńitokʼ do uniye meneda, “E kũạri kuṛi Israel, iń do arhõń jut ruạṛmea, onate am do arhõm jut dohṛakʼa. Am do arhõ amakʼ tablam hataoa ar rạskạkʼko tulucʼem enecʼa.

Jesaea 66:18

Iń do onkoakʼ kạmi reakʼ sanam hudis bundiskoń baḍaegea. Sanam jạtrenko ar pạrsirenko do mitʼ ṭhen jarwako reakʼ okte do seṭer akana. Onko do hecʼkate ińakʼ mạhimako ńela.”

Jesaea 61:3

jemon Sionre okoeko hirdạukʼkan onkoakʼ bohokʼre torocʼ bodolte abhraniń emako; hirdạukʼkan bodolte rạskạ reakʼ sunum ar as chuṭạukʼ akan bodolte sarhaoe reakʼ kicricʼ iń em daṛeako. Onko do dhorom reakʼ elon dareko ńumogokʼa; Probhu Isorge ona doe rohoe akada jemon onko hotete acʼakʼ mạhima sodorokʼtae.

Jesaea 60:7

Kedarren pal bhiḍiko do am ṭhenko hecʼ jarwakʼa, Nebayotren bheḍako do amakʼ kạmireko lagaokʼa; ińakʼ pinḍre samaṅokʼakʼ lekate iń do onakoń ataṅa, ar ińakʼ ṭhonokʼ reakʼ oṛakʼ do artetʼgeń ṭhonok ocoya.

Jesaea 14:26

Goṭa dhạrti lạgitʼ niạ bebosta do ṭhik dohoakana ar sanam jạtrenko cetanre niạ tige tiạr dohoakana.

Sereńko 97:6

Serma do acʼakʼ hok reakʼ kathae lại sodoreda, ar sanam jạtrenko do uniyakʼ ṭhonokko ńeleda.

Sereńko 69:35

Ente Isor do Sione bańcaoa ar Jihudạ reakʼ nagrahako do arhõe beretʼ ruạṛa; unre uniren hoṛko do onḍeko girobasokʼa ar ona reakʼ ạidạrikoko hoyokʼa.

Sereńko 51:18

Amakʼ bhage kusiyakʼte amakʼ Sion bhạlạiyme; ar Jerusalem reakʼ pạcriko benao rakabme.

Jesaea 59:19

Pạchim secʼren hoṛko do Probhu Isorko botoraea ar purub secʼren hoṛ do uniyakʼ mạhima ńelteko botorokʼa, ente Probhu Isor do acʼakʼ sahẽtʼteye laga ńiretʼkan ḍubạ dakʼ lekae hijukʼa.

Jesaea 60:3

Jạt jạtrenko do amakʼ marsal ṭhenko hijukʼa; ar rapajko do aṅga marsal ṭhenko hijukʼa.

Malaki 1:14

Jãhãege palre menakʼkotae lek lekan janwarko khon emokʼ lạgitʼe manot akatʼ khan ar hoṛmore dusiyicʼ mitʼṭen janwar Probhu Isor ńutumteye samaṅakade khan, uni doe ṭhokgea. Uni cetanre do sarap paṛaokʼma. Iń kangeạń maraṅ raj do ar sanam jạtrenko do ińgeko botorạńạ. Ar iń phạdkoren Probhu Isorge noa katha doń meneda.”